السلام عليكم

لو سمحتم حابه تحللون شخصية زوجي الله يصلحه ويهديه

احسه وايد يخفي مشاعره ومايحب يبينها

يعني عادي يقول كلمات حلوه حق امي بكل عفويه وسهوله

بس انا ما اسمع منه الا نادر وصعب يطلع منه كلام حلو

و غير جي

احسه يعامل بنته بجفاء
هو الحمدلله يحبها
بس مايحب يبين مشاعره ابدا ابدا
خاصة لما اقوله شيلها لعبها
يعاند زياده

للعلم بس عندنا بنوته وحده هي بجرنا وعمرها قريب سنه الله يحفظها

يعني لاحظت هو يحن عالياهال يضاحكهم ويلعبهم
وشفته يمسح على راس بنت صغيره مانعرفها بالمول
بس للاسف ما اشوفه يمسح على راس بنته

بنتي الله يصلحها قبل لما ابوها يشلها كله تصيح وتصرخ تبا تكون عندي وبس ماتحب تروح عنده يمكن عشان جي ؟

واحب اوضح انه الحمدلله مب مقصر معاي ولا مع بنتي وقايم فينا وفي مسئولياته اتجاهنا

بس هذا الشي مضيق خلقي
انه وايد وايد يكتم مشاعره اتجاهي واتجاه بنتي
يخفي حبه واهتمامه ومايحب يبينه جدامنا


بس مع غيرنا عادي يبين كل المشاعر والعواطف

احس هالشي متعلق بمشكله نفسيه
ودي اعرفها واحلها

اتمنى تفيدوني
اذا تعرفون احد يتصرف بنفس الطريقه