ههههههههههههههه

بقولكم موقف حصل لي وحنا رايحين
نخطب حرمنا المصون لوتدري اني قاعد
اكتب كان النومة اليلة بالملحق هههه
المهم رحت انا والوالد الله يحفظة
وخوي الكبير وشاطي الراحة كاشخ
على سنقة عشرة ووزع ابتسامات وحنا بطريق قال ابو
ويقصد اخوي الكبير اليوم الصبح كاني
شفت تحت سيارتك زيت لايكون مكينة السيارة
فيها شي قال اخوي والله اني مدري
قلت لخوي وقف عند البنشري وحط السيارة
على حفرت غيار الزيت خلة يفحصها اذا
فيها شي وقفنا على الحفرة وطلع
راعي البنشر مشغول قلت لخوي انا بنزل اشيكها ونمشي نزلت والحفرة عمقها نص
متر وطولها تقريبا 3 امتار ولها 3 درجات
المهم نزلت قدمت رجل ورفعة رجل ورافع
ثوبي وزلق وتسلقى بالحفرة على ظهري وقاعد اون
اخوي والوالد تبطوني وقاعد يصوت لي اخوي يقول اخلص نبي نمشي شوي وطلع
عليهم غترتي على كتفي وعقالي وطقيتي
بيدي وحدة من الجواتي بالحفرة قالي خوي وشفيك قلت زلقت وتسلقيت بالحفرة وراح فيها الثوب كلة زيوت المهم نزل اخوي الله يرفع قدرة وجاب الفردة الثانية ورجعنا وطول
الطريق على الصامت لان ظهري اوجعني
وخوي حاط اشماغة على فمة ويضحك الوالد الله
يحفظة يبي يرقع الموضوع وهو يضحك قال لعلها خير استغفرالله
قلت وين خيرة ونا متسلقي بحفرة الزيت
بعدها اتصل عليهم الوالد وعتذر عن الجية
وعطاهم موعد ثاني.. قلت عسى ماقلت لهم الموقف قال لا
بعدين قلت للمدام ترى انتي ماجيتي الا بعد معاناة
وطيحات بحفر الزيوت

استفيد يا فارس خبرت حياة

__________________
سبحان الله وبحمده سبحان الله العظيم