رد: طليقي ياخذ ابنتي في سيارة زوجته مستجد رد6
مب فاهمة يا موهبة!
ليش تستخدمون البنت وسيط بينكم بهالشكل؟!!
يعني لو واحد فيكم غايب .. والثاني طلب من البنت توصّل له رسالة معينة .. فهذا مفهوم.
لكن كلكم متواجدين في نفس اللحظة .. انتي تسمعين كلامه للبنت من خلال الآي باد .. وهو يسمع كلامج أو ردج اللي تطلبين من البنت تقوله! .. فليش تحشرون البنت بينكم بهالطريقة؟!!
بغض النظر عن كون البنت صغيرة ما تستوعب .. أو كبيرة وفاهمة .... الأسلوب هذا مب حلو ومب منطقي وماله معنى.
تفاهمي مع طليقج .. التواصل له أكثر من طريقة سواء من خلال الاتصال أو المسجات .. وأنتو فعلاً تسوون جذي .. فماله داعي: قولي لماما وقولي لبابا .... مهما كان لازم تحافظون على صورتكم وعلى علاقة هادية نسبياً جدام البنت على الأقل.
__________________
اللهم طِيبَ الأثر .. وحُسْنَ الرحيل.