أقرأ جميع الردود ولا أنتقي ردود للرد عليها لكن صعب علي أرد عليها واحدة واحدة.فأرجوا المعذرة.

أختي فلوجة طبقت اقتراحك لكن ماوافق زوجي.




كنت مختنقة جداً استخرت ربي ورحت لعمي(أبو زوجي) الله يحفظه في التاسعة صباحاً.

عمي متفاهم جداً جداً ومقدّر ما أنا فيه لأبعد الحدود، اللي ماكنت أعرفه إن عمي الله يجزاه بالجنة متابع زوجي في الكبيرة والصغيرة وهو حضر مجلس الرجال مع إخوانها،،وكان عارف بموضوع نقلها لعمارتنا..و اقترح حل.

الحل هو أن يفتح لها باب لشقتها من برة وباب الشقة اللي من داخل العمارة يشيله ويبنيه جدر..
والباب الي راح يسويه يدخل على مجلس الرجال مباشرة..وحسب التكلفة وقال أوفر له من دفع إيجار كامل..

وعمي قال لي هو يضمن زوجي إذا أنا ماوافقت ماراح يجيبها.. وإذا أنا موافقة على اقتراحه هو من يطلب من زوجي تغيير مكان الباب..وأخبرني بأمور لم يخبرني بها زوجي..

المهم
عمي طلب مني أوافق وقال اسمعي كلامي يابنتي والله ثم والله مابتندمين، وأكد لي كلها سنتين ماغيرهم بعدها بينقلنا زوجي كلنا أنا والعيال بالعمارة الجديدة (هالشي ماخبرني به زوجي)..وأنا قلت له أستخير ربي وأرد عليك.

جاب ظرف وقال أنا قلت لك برضيك ،،يابنتي حقك محفوظ هنا.. سألته شفيه الظرف ،قال زوجك هو من يقول لك إنت قربي منه وخلك حبيبة مثل أول وأحسن عشان يتشجع ويخبرك.. هو صاير يقول فلانة تغيرت.