المشاركة الأصلية كتبت بواسطة مــريم
مثل ما ربي رزقنا بيرزق عيالنا إن شاء الله ..
إحنا اللي علينا نوفر لهم العيشة الرغيدة ..
مانروح نحرمهم في طفولتهم عشان نوفر لهم لين كبروا ..
في صغرنا كان أبوي الله يخليه يجمع عشان يبني لنا بيت ( كنا ساكنين ببيت جدي) ..
ما أقول عشنا في حرمان ولكن أنا شخصيا كنت أظن إن أبوي مايملك مال وفير فكنت أستحي اطلب منه شي إلا في أضيقا الحدود..
وكان يروح خاطري في أشياء ألاقيها عند صديقاتي بس أسكت ..
أختي اللي أصغر مني كانت تطلب من أبوي إذا عجبها شي .. ويجيبه لها مايقصر ولا قول لا..
بس أنا كنت أزعل في قلبي واقول أبوي بيضغط على نفسه عشان يجيب لها اللي تبيه ..
لما قربت أتخرج من الثانوية أبوي بدا يبني البيت ..
ولما تخرجت انخطبت وتزوجت وسافرت .. قبل مايخلص البيت ..
لا حصلت اللي أبيه في طفولتي .. ولا عشت في البيت اللي انبنى ..
|