وعليكم السلام ورحمة الله وبركاته


هلئ بالفعل بنسمع كتير انو الرجل متل الطفل حتى هوي نفسه بيطلب من المرأة حنان ودلع وبيقلها اعتبريني ابنك
وما شاءالله موجودين على ارض الواقع واغلب النساء بتحكي نفس الحكي بخصوص انو زوجها متل الطفل
عني زوجي بيقولها قدام اشخاص بكون صرلي مدة طويلة مش شايفتهن وقت يسألوني كم ولد عندك بقول تلاتة بيرد وبيقلهن اربع قصده عن نفسه
ودايما هالشي بيكرره مع اللي بنعرفهن منيح
وانا بقول بكل شخص سواء رجل او امرأة في بداخلهن طفل
وطبعا طفولة الرجل بحب يعيشها بس بالدلال والحنان والاهتمام يعني بيحب بتغنج ويحس نفسه بالاولوية
اما المرأة من منظوري هي اللي بتعيش الطفولة الحقيقية وعلى اصولها كمان
بس ليش مش شائعة قصة انو المرأة طفلة لزوجها ما يعرف
فالمطلوب من النساء تظهر هالطفلة اللي بداخلها ان كان وقت تجن وتنسى الدنيا بحركاتها ولعبها وشقاوتها مع اطفالها
او وقت تفعل هالاشياء قدام زوجها او مع صديقاتها

بالفعل لحظات لا تنتسى
بتذكر مرة نمت عند صديقتي وقت زوجها اضطر يسافر قبل ما جيب اطفال اللي بيشوفنا ما بيقول انو مزوجين صرنا نط عالسرير ونركض ورا بعض لهلئ بعدنا بنذكر بعض بالقصص اللي كنا نساويها
وقت كنت انعزم على عيد الميلاد لابن صديقتي كنت اعمل مقلب بالاطفال صير فقعلهن البالونات بالابرة ويلحقوني

والشي بساويه مع زوجي وبيقلي بعد ما كبرتي

الخلاصة بالنسبة اللي الطفل موجود وظاهر بالمرأة بعكس الرجل اللي بيحاول يظهر هالشي بالطلب المباشر


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه