والدي رجل رجال طوال الاسبوع الي فات حاولت اطبق الي قلت لي عليه واستقبله بفرح وحب وطول اليوم احاول اكون مرحه وسيطرت على نفسي ومشاعري وفعلاً قدرت انغلب عليها بوجوده

ولاحظت تغيير كبير جدا في تصرفاته معايه وصار يقرب مني ويحب اكون قريبه منه لكن للعلاقه ما بادر نهائيا واذ بادرت يتجاوب لكن هو ما يبادر في حل لهذي النقطه

وشي ثاني لا زال الشك مسيطر علي ولا زلت افسر كل تصرفاته بسوءظن وان وراه شي رغم انه اكثر من مره اتضح لي سوء ظني استغفر واصلي واتعوذ من الشيطان لكن الحزن يصيبني وافكر بالطلاق وهذا الشب قبل ما يجي وقت دوامه وافضي الي في راسي منكاء واول ما يجي ارمي مشاعري السلبيه ورا ظهري واعيش لحظاتي معاه

صار مبسوط الاسبوع الي فات والابتسامه على وجهه

هل هذا معقوله يكون بسببي وتغير معاملتي معاه وصار وقت النوم ين يقرب مني ويحاول يحط راسه على يدي او كتفي ما عمره سواها

هل انا مريضه بالشك واحتاج علاج ؟؟

وهل ادمانه على هذي المشاهد ممكن يقل وينساه معع محاولاتي بالتقرب منه
لانه لازال يجلس على جواله صح مش زي اول لكن يحلس ويحاول قدر الامكان يتركه وينزله ويعطينا من وقته لكن فعلا احسه يعاني من ادمان للجوال ووسائل الالتواصل بشكل خاص والصور والمقاطع الي قلت لك عليها

وحساباته في النت ما دخلت علبها نهائيا طوال الاسبوع الي فات