اقتباس:
المشاركة الأصلية كتبت بواسطة مــريم
ههههههه ..
عيل سمعي الموقف التالي :
مرة الصبح زرتهم ببيتهم ..
كنا بس انا وزوجي وامه بالصالة ..
جهز الفطور .. قالت حياكم .. رحنا على طاولة الطعام ..
ام زوجي جلست مكانها على راس الطاولة .. وزوجي يمين وانا يسار وبنتي جنبي ..
وانا في نص الوجبة .. دخلت حماتي الصغيرة (اخت زوجي ) .. عمرها 27 او 28 ..
وقالت لي هذا مكاني ..
قلت لها خلاص الحين انا قاعدة ..
قالت قومي مالي خص انا هذا مكاني ..
قلت لها عيل انتظري لين اخلص اكلي بقوم ..
قامت وقعدت على ريلي ..
هي ميتة مقهورة بس قاعدة تضحك .. ماتبي تتهاوش ..
وانا ميتة مقهورة وقاعدة ابتسم مابي ابين لها اني معصبة ..
وانا اطالع زوجي اعطيه نظرة ابيه يحس ويكلمها ويقول لها عيب اللي تسوينه واحترمي زوجتي ..
وهو عارف قصدي بالنظرات بس مايبي يسوي مشكلة .. وقاعد يضحك ويقول لي قومي احسن لج عن مكانها لا تكسر ريلج .. لانها متينة ..
وامها بعد ماقالت لها شي ولا عيب ولا استحي ولا شي ..
اخر شي ام زوجي قالت له حط كرسي هني حق اختك .. وقامت جلست عليه ..
قسما بالله حسيت بإهانة مابعدها اهانة ..
انا مرة ام عيال وجاية بيتكم وقاعدة افطر تقوميني؟؟؟
طبعا بعدها طلعت حرتي في ريلي ..
وهو وجهة نظره انها سفيهة وقليلة ادب وماحط راسي براسها مرة ثانية ..
وقال انه لو كلمها كلمة بترد عليه بألف .. وهو احتراما لأمه سكت ومابغى يتهاوش..
|
تدرين مريم
برد عليك من شقين
الأول لو كان فيك لكاعة حريم كان كسبتي الموقف بصفك
والثاني لو أنا مكانك وش بتكون ردة فعلي؟!
أولاً :- هالموقف لو وحدة دااااهية وكلها كيد حريم تستغلهه لصالحها عشان تكسب رضا زوجها وتعاطفه معهاوتبعده عن أهله( لو فيها شر)
كيييف؟!
من تسوي أخته هالحركة ، ما أرد لها بالمثل وأبين صغر عقلي بدال ما أبين صغر عقلها!! يعني أقوم من مكاني بكل احترام وصمت لذاتي ( أجلس مكان جننننب زوجي وآكل بحزن وأشبع بسرعة، ولو سألني أو سألتني أم زوجي( طبعاً مستحيل لأنها تؤمن بمبدأ انصري عيالك ظالمين أو ظالمين) وإذا سألوني ما أجاوب بزعل ، لااااااا
أقول بس شكراً شبعت الله يغنيكم ويكثر خيركم وإياك والتكشيرة
بعدين أتفاهم معاه في البيت ، ولو أطنش أحسن
بس بيجي يوم أحتاج لذكر هالموقف!!