المشاركة الأصلية كتبت بواسطة ابتسامة جذابة

‎"تهتم بجوالها بشكل مبالغ و تضع كلمة مرور و ترفض ان "تعطيني جوالها بداعي انها تكلم خواتها و صديقات
‎كانت تمسك الجوال 24 ساعة بيدها و عندما تراني تغير طريقة كلامها و تتكلم بشكل عام ثم تنهي الكلام بعد مدة بسيطة"
‎هل نعتمد هذا المعيار لإباحة التجسس؟
‎معيار مسكة الجوال 24 ساعة ، وتغيير طريقة الكلام، ورفض الافصاح عن كلمة المرور.
‎علمونا عشان نتجسس ع ازواجنا وفق ضوابط شرعيه وبما يرضي الله.

ف بالنسبة لي
اختي تضع رقم سري ، وترفض دخولي الواتس اب او محادثات خاصة بها!
انا أضع رقم سري على جهازي وارفض فتح الجهاز من غير أذني ، او قد أتيح فتحه لكن مع عدم السماح بفتح برامج معينه لأَنِّي مابي يشوفون دخولي بعض الأشخاص في هذا الوقت .
والدتي قبل ايام كنّا معها في السيارة جائها اتصال
وأخذت ترد ب ايوا صحيح ايوا صحيح الخ
انا اذا جاني أتصال ادخل غرفتي وأكلم ! او أخرج للحوش او اروح مجلس الرجال وأكلم ودائما كذا
ومكالماتي كلها صديقاتي وماعرف اكلم صديقتي عند اهلي ماحسني اخذ وأعطي بأريحية.
بدون مبالغة اذا دق علي ابوي عند صديقاتي او امي اروح بعيد عنهم عشان اخذ واعطي معاهم بأريحية!!.
اذا والدي دخل للبيت وكنت ماسكة جوالي اتركه واجلس معاه وأحكي واسأله وش يبي الخ ! من دواعي احترامي له. لكن علي التنبه ان كل سلوكياتي تفتح لي باب التجسس ..
مادري صراحة ممكن تقديري للامور متساهل لكن ما ارى انه يحدث مع زوجته يحدث مع الكثير من النساء والرجال ولذلك لا أراه مسوغ للتجسس ،
وردت سلوكيات افضع من ذلك مثل زوج معه جوالين جوال اخر في السيارة وجوال في البيت ومع ذلك يقدم حسن الظن ع تتبع العثرات وسوء الظن



عطوني معيار واضح يبح لنا التجسس
ان كان كل ما يدخل الريبه في النفس فهذا تحايل ع النص لان التجسس إنما منبعه سوء ظن ويسميه المتجسس ريبه وشكيت
مثلا زوجة شكت ان زوجها له علاقة بنساء لماذا لانه لان جواله مغلق كل يوم خميس
والسبب ان استراحة أصحابه في منطقة الإرسال فيها زفت
بس هي فسرت الموضوع ان هذا الرجال ورآه شيء خاصه انه قبل مايروح لاصحابه المزعومين
يلبس ثوب نظيف ويتعطر !! بس ماعليه كشفته مو انا اللي يلعب علي ،، قرب يومك ياحمدي

والا زوجة ملقوفه جت تقول لزوجها افتح لي جوالك ، قالها لاء، ليششش عندك علاقة نساء!!!!
قالها لاء ، بس في جوالي أمور ما ارضى تطلعي عليها؟، وهذا جوالك عندك ماراح اطلع عليه
... اوك براحتك ، لكن ضروري اشغل عقل المحقق عندي ، طلعت معاه السيارة اتصل احد أصحابه مارد عليه لانه ماايحب يكلم واحد جنبه قالت أكيد هي هذي البنت
ركبت السيارة وقت ماهو يتكلم ثمً انها الاتصال وقت ركوبها لانها مايجب يتكلم وحوله شخص .. انا قلت أكيد هي هذي
ركبت برنامج تجسس لقته حاش فيها قبل سنتين وزعلت وراحت صارحته وزعل ليش تجسسين علي وانتهت قصتهم بما قسم الله لهم..

الخلاصة لو كان الإخ جا للمنتدى يستشير قبل يسوي برنامج التجسس ع الجهاز
والتتبع هذا، هل راح ترى ان الوسيلة المناسبة لحل المشكلة الحاصلة بناء على دواعيه في الشك ، ان يركب برنامج تجسس ليرتاح قلبه ، ماتشوف ان هناك وسائل اخرى لمعالجة الامر من غير ارتكاب مثل هذه السلوكيات