المشاركة الأصلية كتبت بواسطة ضَي !

اخ شاطى الراحة

العطاء هنا هو بداية حياة مرة أخرى فلازم يرخص الغالي والنفيس لاجل عودة حياة زوجيه ..

المشاركة الأصلية كتبت بواسطة خاله بيتا

اخوي شاطى الراحه . نظرتك للموضوع نظرة زوج .. وكانك تفكر بموقف زوجتك لو انحطت بنفس المشكلة لا سمح الله .. فما ترضى بتدخل الام . مع ان البنت الان ببيت اهلها معناها لهم الحق يتدخلوا ... والزوج اللي ما بدو تدخل اهل زوجته ما يرميها لهم .

فكر بالمشكلة لو البنت اختك والام امك وانت اخوها ... هل كنت راح ترجع اختك لزوجها بسهولة بدون ما يتعلموا درسهم هم الاثنين ؟؟ ومع اول مشكلة يرجعوا يتطلقوا ؟ او كل كم شهر تلاقيها جايتكم زوجها طاردها ؟؟

لازم موقف قوي ..

وانت شايف الام مو جادة بطلب طلاق بنتها .. هي فقط تقرص اذن وتعلم درس .
لو بدها طلاق ما كانت وجهت الزوج وطلبت منه يبطل عقليته .. اذا بتطلق البنت شو بدها بعقليته تغيرت او لا .
ورد دمعه الاخير شرح موقف الام .. لا هي تريد فلوس ولا تريد تتحكم .. بدها تخلص من المشاكل وبس. وبما ان الاب مو متدخل ويظهر قلبه طيب ما يعرف بعطي دروس ويقرص والبنت كمان طيبة وتسامح بسرعة .. وكل همها مشاعر زوجها بالرغم من ان الغلط مناصفة بينها وبينه وناسيه نفسها ... فمافي مهرب للام من ان تاخذ موقف .


دمعه ... لما ترجعي لزوجك راح تواجهي مشكلة مع اهله اذا ما تصرفتي معاهم بحكمة .
هم محافظين واي تصرف منك او لبس اقل محافظة عنهم راح يتعبك معاهم .
والانطباع الاول صعب يتغير .. من البداية افهمي من زوجك شو يلبسوا ولاي درجة يتحفظوا بتعامل رجالهم مع بنات العيله بكل المستويات .. محارم ونص محارم وغيره ...
وما تتعاملي معاهم بنفس درجة التحفظ ولا تلبسي بنفس درجة الحشمة .. لا .. زيديها درجة
اذا لبستي وتحفظتؤ بنفس الدرجة بتكوني تحت الفحص لكن اذا شافوا انك مزودتها حبتين راح يكونوا مفهوم وانطباع انك مو محل اختبار .. انتي اعلى درجة وما يحتاج .
بعدها تقدري شوي شوي تصيري مثلهم وتريحي ...

ما اعرف اذا قصدي واضح .. او مقبول منك ... لكنها قناعة وصلت لها من متابعتي للمشاكل وخبرة بهالدنيا
الله ييسر امرك