ياذا المهور اللي أشغلتونا فيها
واللي صارت هي السبب الأول والرئيسي لحالات الطلاق!

قبل ماتخطب المفروض تعرف الناس اللي رايح تخطب منهم وعارف عاداتهم وتقاليدهم وسائل عنها
ولا أعتقد إنك بتخطب بناءً ع المهر وتكاليف الزواج!
وخلك من البداية صريح ولاتسوي فيها ، قول أنا هاذي إمكانياتي إن وافقوا خير وبركة وإن ماوافقوا الله يرزقك ويرزق بنت الناس

أنا شخصياً ماراح أتنازل أبداً أبداً ، سواء من ناحية المهر أو الشقة وشرط تأثث كامل قبل الزواج والحفله ماعندي مشكله حتى لو بسيطة بس ضروري في حفلة لأهلنا وصديقاتي
أنا مو بنت تحت العشرين عشان أقول بتزوج واحد بأول حياته ومسكين يادوب قادر على التكاليف
أنا ببداية الثلاثين وثيب ولو برتبط أكيد بواحد يابالثلاثين أو الأربعين وطبيعي بيكون مقتدر ومكوّن نفسه

تنازلت عن أشياء بزواجي الأول وليته قدّرها لي ولأهلي وصاني وحفظني
إلا تمرد وطغى وتجبّر يكفي المؤخر اللي شرطته وجلس غصة بقلبه
ماأخذت منه ولا ريال لأني خلعته مقابل تنازلي عنه
عشان كذا لايمكن أتنازل واللي مو عاجبه البنات وش كثرهم يدور له على وحدة تناسبه وتناسب إمكانياته