السلام عليكم

مشكلتي الاساسية هم اهل زوجي
مش قادرة أنسى الماضي وكيف خربوا فرحتي واسعد الايام الي تعيشها كل بنت في خطبتها وبداية زواجها
كيف حاربوني وسعوا في فك خطوبتي

تزوجني زوجي رغم معارضة أهله لاني مش من العائلة وعلى كلامهم يبغون وحدة جميلة جدا
مع انهم بنفسهم ألي خطبوني أزعجوني اتصالات علشان أرد بالموافقة !!!

تدخلوا حريم اخوانه لان يبونه يتزوج قريبتهم وخطبوا له وعملوا التحاليل والشوفة الشرعية بعدها تفركشت الخطبة ومن يومها وهو شنوا علي حرب مش طبيعية

مع الاسف وعدوني يعملون لي عرس وبعدها رفضوا
اتفقنا على مهر معين ورفضوا بعدين ان يجيبون وقعدوا يماطلون
حتى الزواج انا سويته بفلوسي

ابتعدت عنهم وتغربت لظروف الدراسة وظنيت ان افتكيت من شرهم
لكن مع الاسف كانت أمه تعبي راسه علي واتصالاتها كلها سب وشتم فيني

صارت مشكلة كبيرة جدا بينه وبين أهله وقطع علاقته فيهم
مع ان يشهد الله رغم الي عملوه كنت اقول له يتصل فيهم اقلها يطمئنهم

رجعنا بعد غياب وكنت اظن ان كل شي تغير
خصوصا ان عمل عملية خطيرة وهم عارفين ان وقفت معه وساعدته بمصاريف العملية
قلت صفحة جديدة افتحها معهم
لكن أنصدم ان اول زيارة ام زوجي تقول له
انا شاكة انك تعيس ومش متهني ، اذا تعيس راح ازوجك وادفع مصاريف العرس والمهر
وهم الي رفضوا يساعدونه في مشروعه وقت كان يترجاهم !!!

بعدها قطعت علاقتي فيها نهائيا
لي حوالي قريب سنة ماطببت بيتهم ولااظن بيوم من الايام اقدر اروح لهم
مهما سويت مهما فعلت بضل عندهم العدوة

الي خلاني اكتب المشكلة هو الي صار اخر مرة
اتصلت ام زوجي وطلبت زوجي
مااعرف ايش صار ولاشنو بالضبط تكلموا
الي سمعته ان قال لها ان شي ماضي وهي دافعت عن حريم اخوانه مع انهم تسببوا له بمشاكل مش طبيعية
اخر شي اتصلت علي قالت ان ولدي مثل اللقيط المريض النفسي رايح يلف المستشفيات يتعالج هو مكانه عند الطب النفسي لان متخلف لازم يعطونه جلسات تعدل مخه !

علاقته مع أهله متخربطة جدا
بشوفه كيف يتعب نفسيا وقت يروح لهم
لكن بنفس الوقت طول الوقت يتصلون علي يبغون يكلمونه
هو يرفض يكلمهم وهم يظنون اني انا السبب !!
خايفة ان اذا رجعت العلاقة باهله ان يشوشرون علينا ويخربون حياتي هذا هو هدفهم
لكن ماابغى مايكلم أهله ويقطعهم بهالشكل