رد: كوفي شوب الصبايا (٣)
أكثر و أكبر شيء ممكن تسويه.....أنك توفي دينك لوالدينك
وأنا أدري أنه صعب جداً توفيه.....لوك تحججهم على منكبينك
لكن عليك(بتم و أبشر و لبيه)..و أتعب لجل يرضون و ارخص ثمينك
و أولى وأغلى شخص ممكن تخاويه..أخوك لوك عود ما هو بسنينك
ذراك من جور الزمان و بلاويه....ويصبر على مرك وشرك وشينك
وحزامك بوقت الوغى تحتزم فيه...لا صاروا العدوان متحاولينك
وأفضل وأجمل شيء ممكن تلاقيه...رجلٍ على صكات بقعا يعينك
بينه وبينك طيب باسمى معانيه....ولايفرح الشمات بينه وبينك
والجار قبل الدار تبنى مبانيه...أنشد قبل تنشب ويندى جبينك
الجار لوه جار حذرى تجازيه...حشمته من حشمة نبيك ودينك
و الضيف لامن جاك رحب وحييه...خله يشوف المرحبا وسط عينك
ترى الكريم معان من عند واليه....يغنيك لوك غارقٍ وسط دينك
أما كبير السن حذرى تراكيه....يكثر على تقديره مقدرينك
ومن الأدب لامن حكى ماتعاييه....حلمك وصمتك يرفعك مايهينك
و إليا نصاك المبتلي لاتخليه....أفزع ولا تذخر وتقصر ايدينك
الله عطاك وأرسلك لجل تعطيه....والمعطى الله قبل مدت ايدينك
والطيب لامن صار في غير راعيه...لا تنصدم لو مات قدام عينك
صح لسان قايلها
__________________
سبحان الله وبحمده..سبحان الله العظيم
التعديل الأخير تم بواسطة سمو** ; 31-03-2016 الساعة 11:21 PM