اقتباس:
المشاركة الأصلية كتبت بواسطة أبله دلال
ياشيخه قولي الحمدلله رب العالمين
الركود والملل اللي تتكلمين عنه تدرين وش معناه ( ان حياتك مستقره مافيها مشاكل )
اقري بعض المشاكل هنا ويشيب راسك وتستصغرين كل شي عندها !!
مشكلة الحريم والبنات تبي الحياه بيرفكت تبي الدنيا مسلسلات حب وعشق وشموع واكشن
والله الحياه حلوه لكن تدرين متى ؟ اذا استشعرتي النعم اللي عندك وعددتيها !! النعم مو النواقص اتركي وش ناقصك فكري باللي عندك ومو عند غيرك
انا زوجي كروي صميم ومدمن مباريات وأقلمت حياتي معه على كذا اعرف جداول المباريات الهامه واحترم اوقاتها وما اطلب شي في وقتها واتابع واشجع معه واتحمس واضحك اذا فاز واطقطق عليه واستفزه اذا انهزم  حفظت اسامي الانديه وحفظت اسامي اللاعبين وصرت اعطيه على جوه كأني واحد من اخوياه في الاستراحه !! ويتحممممس بشكل ما تتخيلينه
حبي حياتك وأقلمي نفسك عليها وخففي رومانسيه وحساسيه لأنها تاخذ من صحتك وبس |
عزيزتي ماطلبتها بيرفكت ولاقلت ابيها رومنسيه طول العمر عارفه ان الشي هذا مو اساس الحياه الزوجيه بس مو حرام بعد ان الزوجه تتمنى من زوجها يهتم فيها شوي الله خلق الانثى وهي كومة مشاعر ليه تموت المشاعر هذي بسبب روتين الحياه الزوجيه الممل اذا الزوجه بتركض ورى هوايات زوجها وايش يحب وايش مايحب على امل تلاقي زوج يحتوي مشاعرها ويبادلها الشي هذا ولاتلاقي مو شي يقهر الحمدلله عارفه النعم اللي انا فيها وعارفه اني احسن بكثير من غيري ولا انكرت الشي هذا ولا سويت منه مشكله بيني وبين زوجي بس غصب عني اصير عصبيه بسبب ضغوط الحياه الزوجيه