أكره قريبتي ( طفلة )
أكره قريبتي ( طفلة ) عمرها 9 سنوات .
ما آذتني لكن غصب عني ما أدانيها ..
تستفزني جداً بشكل خيالي ..
انا بطبعي حنون .. ومعلمة صفوف اولية لمدة 3 سنوات ولا مرت علي بنت وحدة ماحبيتها بالعكس كنت احب الجميع واحتضن الطالبات واضحك معاهم يعني فعلا ما احط حواجز بيني وبينهم ومررررة وسيعة صدر معاهم .. ودايم استغرب من قضايا التعذيب كيف شخص يقسو ع طفل !
يعني الا الاطفال بالنسبة لي اكررره تعنيفهم والقسوة عليهم واحب ادللهم
الا مع هالادمية عجزت يارب والله مو بيدي .. غصب عني !
ما اعرف هل ممكن يروح هالشعور ؟ او ع الاقل يخف مع الايام ؟! لاني اعرفها ومن هي صغيرة ىاشوف نفسي اكرهها اكثر واكثر الله لا يواخذني 😤
طبعا مستحيل اوضح لها شيء .. تجي وتسولف معاي واضحك لها .. واذا طلبت مني شيء سويته لها .. لكن شعور دااخلي 🤒
ما اقدر حتى استظرفها يا رباه ..
احب اهلها واتقبلهم جميعا .. الا هي ما اقدر !
طبعا انا اشوفها بشكل كثير .. فهالمشاعر مؤذية لي جدا ..
فعلاً ما اعرف اذا فيه حل والا اتعايش مع الموضوع ؟!
هي مدللة بشكل مبالغ فيه ، بطريقة مستفزة .. ووالديها طبعا كبار ومستحيل اني اهاوش بنتهم امامهم فأضطر اني اجامل واضحك لو تجاوزت حدودها معي .. لانهم بهالوقت جالسين يستظرفونها .. فهمتوا علي؟
واعيد اهلها احبهم وعلاقتي معهم ممتازة .. لكن الا هي ما اقدر .
__________________
سبحان الله وبحمده ، سبحان الله العظيم
التعديل الأخير تم بواسطة غـادة.. ; 02-04-2016 الساعة 12:50 AM