اشراقه وهاجر
عندي اخوان توائم ..
في بداية المراهقة .. صاروا ما يرضون يسبحون!
يوم اللي يدشون يسبحون .. نسوي حفلة
وكل شوي اروح لهم الصالة اقول لهم اشممم ريحة نظافة
الله وكيلج كانوا ما يرضون يسبحون الا في المناسبات السعيدة ويوم العيد
😂 قلت لهم اذا عليكم نذر راح ادفع الكفارة بس قوموا اسبحوا
وامي مسكينة ذبحت روحها معاهم
في النهاية سوينا ضدهم حملة شرسة
ما اخليهمم يلمسون اغراضي مثلا مستحيل
او اذا قاعدين على السفرة بياكلون معانه كنا نقوم ..
واذا سألوا ليش
نقول لهم تلوع جبدنا نقعد يمكم وانتو ما تسبحون
😆 بعدين عرفوا ان الله حق ...

وعن الصلاة ابوي استهلك طاقته معاهم
فاااااااض به الكيل لان يأخرونها
من القهر اللي فيه قام اخذ قفشه وسخنها على الفرن ولسعهم بها على الخفيف
حاليا واحد منهم ما شاء الله يصلي فرضه بوقته
اما الثاني ما فيه احساس .. للحين يأخرها


بس في المجمل صارواااا وايد افضل حتى بتصرفاتهم
اخيرا زارهم العقل بعد ما جننوا امي

__________________

حاجة الناس إليكم من نعم الله عليكم ، فـ لا تملوا النِعم ☁✨