منتدى عالم الأسرة والمجتمع - عرض مشاركة واحدة

04-04-2016, 09:48 AM

#20333

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

صباح الرضا والسعادة يا سكاكر.

.
.
.
الله المستعان .. شكل الأولاد كلهم جذي!!

إحنا سبوحنا الروتيني الثابت يكون بعد الغدا.

إذا حصل شي يستدعي إعادة السبوح ـ مثلاً لعبوا في الحوش وعرقوا ـ سلطان يرد عليّ بصدمة: ليييييييش؟؟ أنا تسبحت خلاص!!!!!!!!

طيب والعرق اللي يصب منك يا حبيب أمك؟!!!!!!!

يسكت وما يرد ويدخل يتسبح على مضض.

ومن يومين نشيت الصبح وهو كان قاعد قبلي .. واكتشفت إنه مب مغسل أسنانه!!

قلت له: ليش؟!!

قال: باغسلهم عقب ما أتريق (!)

قلت له: تغسل أسنانك أول ما تنشّ .. وارجع اغسلهم مرة ثانية عقب الريوق إذا بغيت.

هذا وأنا كنت حريصة جداً على مسألة النظافة والسبوح وغسل الأسنان .. لدرجة إني كنت أوريهم صور الأسنان النظيفة والأسنان اللي فيها سوس عشان يعرفون الفرق ويحرصون على نظافة أسنانهم.

يا تعبي اللي راح بلاش!!

حتى النظام والترتيب .. سلطان كان منظم وهو صغير .. ألعابه يرجعها مكانها .. الأوراق والقراطيس يرميها في الزبالة الله يعزكن ..... الحين فوضوي بطريقة مستفزة ولا كأنه تعلم شي!!!

يشرب ويخلي الكاس مكانه .. ياكل شوكليت ويخلي القرطاس مكانه .. يعفس السرير ولا يرتبه .. كندورته ممكن تتم على علاقة الملابس أسبوع كامل ولا راح يفكر يشيلها ويحطها في سلة الغسيل .. اللاب توب والآي باد يخلص منهم ويخليهم مكانهم على الأرض وين ما كان جالس!!!

أقول له: صدقني لو وصلت حدي منك باخليك تنظف وترتب البيت كله بروحك.

__________________

اللهم طِيبَ الأثر .. وحُسْنَ الرحيل.