لازم هو يدفع القسط
اللي اوله شرط آخره نور ..
و دام من البداية طق الصدر وقال بيدفع المفروض يلتزم
الرجال عند كلمته ..

وأيضا هو غلط بخصوص موضوع العزومة
ما له داعي هالحدة في الرد
يقدر يعتذر عن العزيمة وكان الله غفور رحيم

.


أما بخصوصج ...
آنه مع كلام متفائلة وطموحة
كان يفترض حتى لو صاحبه ما جاب شيء جديد بنظرج
الا ان ريلج شاف انج ما قدرتي جهده ...
وان هو رايح يراكض عشانج .. وانتي تقولين ما جاب شيء جديد

وبعدين عن موضوع القسط ..
صار كأنه انتقام .. و ردة فعل لضيقج من عصبيته في الموقف السابق
ف طبيعي ان ردة فعله بتكون بهالحدة...
الوقت اللي اخترتيه ما كان مناسب..

مع ان يفترض انج ما يحتاج تخبرينه عن الموعد
المفروض يعرف منه ومن نفسه

وعطائج المادي وقفيه تماما
تماما
تماما
تماما

لانج بوقت الهواش تمنين
ووقت الرضا .. لو تملكين فرع بنك جان عطيتينه الفرع
والموظفين وفوقهم المراجعين هدية

__________________

حاجة الناس إليكم من نعم الله عليكم ، فـ لا تملوا النِعم ☁✨