المشاركة الأصلية كتبت بواسطة سموره ☆

رجعت لكم ركض

زينوو لا تزعلين ولا تكرهيني تراني مو متآمره معهم انا بريئه بريئه

قلت لك لو تبين يصير عمري 90 المهم ولا زعلش

المهم يابنات وانا قاعده اقص البصل واغسل الدجاج جات بنتي تقول لي امي ماذا شتطبخين لنا

عاد انا هنا فقعت ضحك الله ياخذ براعم خلو اطفالنا يتحتسون عربي بطلاقه

وتذكرت موقف قبل شهر او أكثر في الليل ولدي رجع على مخدتي

وانا ماعرف انام الا بمخده

زوجي قال خذي مخدة البنت رحت غرفتها سحبة المخده من تحت راسها ونمت وقبل اذان الفجر شفتها قدامي تقول لي ماما لقد اختفت الوساده اين هي وسادتي << طبعا سينية الأطفال مكسره ماينطقونها عدل

انا انفجرت ضحك جلست اضحك باعلى صوتي يعني حتى وهي صاحيه من النوم تتكلم كذا
زوجي صحى على صوت ضحكتيي عباله انهبلت يعني في هالوقت واضحك كذا

جلست اقوله السالفه قاال انخمدي وراي دوام وراي كرف والله لو ماتعلمينها الكلام السنع لاقص لسانك انتي وهي

مين مثلي تعاني من هالبراعم