اقتباس:
المشاركة الأصلية كتبت بواسطة غـادة..
صدقيني انا جربت هالاسلوب بداية زواجي ..
وكنت اتوقع اني اذا اسعدته انعكست علي الاية !
بالعكس هو سعيد وانتي اللي اكلتيها .
الحل هو انك تفكرين بنفسك وبسعادتك ..
امدحي نفسك ! اذا حاول ينتقد مثل الملابس كليه بقشوره بالعربي 😄
قاللك تلبسين اول بلوزه قولي من قال ؟ انا اجهز لشهر كامل ملابسي لاني مرتبة و ع فكرة انا معرووفة بالدوام باناقتي والكل يحكي فيني وبكشختي .. عززي لنفسك باختصار 
قوليله بالعربي ليه مانخصص يوم للعائلة ؟ انا ( ابغى ) تخصص يوم بالاسبوع لي مشيني وطلعني ووسع صدري مثل ما اريحك طول الاسبوع استاهل تريحني هاليوم وانت كريم وانا استاهل الخ
انتي تقولين انك تدورين قصص الخ .. لا جربي اقضي الوقت بقصص لك ! سالفة صارت بدوامك اساليه عن دوامه اي سواليف مشتركة بينكم ..
رحتي لاهله اطلبي منه هو ينزل وقوليله معليش حاطة ميك اب مابغى انزل اشتري الشيء الفلاني ياقلبي
اذا جاء اعلان لشي بخاطرك وريه قولي اذا جتني هالسواره هدية بكون اسعد انسانة .. قوليها طبعا بغرور طبعا مو بذل وتمسكن
جهزي ردودك ع الاشياء اللي ممكن تجرحك من قبل مثلا فتح موضوع الراتب كليه بقشوره
قولي راتبي نص راتبك وبعدين شايلة نفسي ولا اطلب منك ابد الموظفات كلهم اللي معي رجالهم يمشون لهم مصروف وانا ماطلبت منك لاني الحمدلله شايلة نفسي وما احب اطلب
عادي انتي انسانه فتصرفي كانسانة .. والشخص الطبيعي عادي جدا يعصب ويتنرفز !
باختصار حبي نفسك ..
وهو بالسفر اذا كلمتيه قولي بدلع اي عاد لا تنساني من الهدايا .. وكرري عليه مرة ثانية اذا كلمتيه ايش اشتريت لزوجتك حبيبتك ؟
واستقبليه عادي بكل حب .. ولو طلع ما اشترا لك شيء اظهري ( ردة فعل ) وابسط شيء يتغير وجهك وتنزلين كم دمعة كيف كذا ماتحبني ولا اعني لك شيء وروحي نامي واتركيه بحاله 
الحل ببساطة اظهري ردة فعلك .
هو مايقدر يعرف هالشيء يزعلك طالما انتي مازعلتي ؟!
شلون تبين يسوي الشيء اللي تبينه وهو اصلا مايدري وش الشيء !!
تدرين لما كنت مثلك كان متقطع قلبي ابغى شيء معين .. وكنت المح تلميحات بسيطة ع زعم ما اجرح زوجي وما اتذلل له وانا ماحب اطلب الخ
المهم بعد كم شهر طبعا مافكر يجيب لي هالشيء .. وسألته مرة وحنا بحالة صفا قلت له وش اللي بخاطري انا ؟ اكتشفت انه مايعرف اصلا انا وش ابغى 😂
طبعا صحيت ع نفسي وعرفت ان اساس الحياة الزوجية اخذ وعطاء .. اعطي وبنفس الوقت لازم تاخذين والا ماصارت حياة زوجية صار دوام ثاني بس تعطين بدون مقابل !! ع الاقل الدوام فيه راتب 😅
طبعا صرت اقول لزوجي انا بخاطري كذا وكذا اذا بغيت تهديني وتسوي لي مفاجأة تراني ابغى هالشيء 😂
ولو قالك اشتري من راتبك قولي هو يبقى شيء منه اصلاً ؟ والا ايه متزوجة انا اذا حتى العطاء المادي مستكثرة علي ؟ كان قعدت ببيت اهلي ع الاقل كانوا مكرميني وطلباتي اوامر .. وقومي من المكان بزعل بسيط
فيا حبيبتي فكري بهالشيء العيشة هذي لباقي العمر فأسسي حياتك من الان ع النمط اللي يريحك ! |
استغرب من استنتاجاته الغريبة جدا ...هذا هو ما (يستفزني للغاية)
كأنه يرتدي نظارة شمسية ...لا يراني بألواني : (
بالضبط (العيشة لكل العمر) أنا خصوصا بعد سفره وعدم اهتمامه بي ..قررت أتغير .
في السابق ..كنت أعتقد أن سلوكي صحيح وكنت أتوقع سلوك منه مماثل أو مقارب ..لكن فهمت أخيرا أنني قليلة الخبرة ..أنا الآن أحاول أن أصحح أخطائي حتى لا أخسر سعادتي ..
من ضمن الأشياء الخاطئة التي أقوم بها ..أنني عندما أحزن من أي شخص (حتى زوجي) لا أظهر حزني إطلاقا له , وأحاول أن أظهر بأنني لم أنجرح أصلا ..ودائما أغالب دموعي أو أغير نظري لمكان آخر حتى لاينتبه لدموعي ..لا أعرف هل هو كبرياء أو محاولة مني لإظهار أنني قوية وأنا عكس ذلك ..أو أن روحي رياضية ..لا أعرف ؟!
بالنسبة للحديث ..
أنا فعليا عندي مشكلة بالحديث ..مشكلة منذ خمس سنوات (لم تكن موجودة في السابق)
وأتمنى أن أحلها لأنني مللت منها وأشعر أنها عائق .. يكثر في كلامي التقطيع وأنسى مسميات الأشياء ..وممكن أروي حادثة وفي منتصفها أنسى ماهي ( فجأة) , مع أنني لايوجد عندي رهاب إجتماعي ولله الحمد ..وهذا مايجعلني أعتمد على التحضير للكلام الذي أرويه له ..حتى لا يتقطع ..ومع ذلك قد أحضر كلاما وينقطع وهذا ماحصل لي مرة معه ..رغم أن الموضوع حضرت له وأنا في دوامي (كتبته حتى) وكنت أر دده وأنا أحضر الغداء حتى أستعد لوقت قدومه ..إلا أنني وأنا أرويه له عند الغداء فجأة نسيته ..لم أستطع أن أكمل الموضوع ..وشعرت فجأة بالضياع وكأنني أسقط في هاوية ..
زوجي على عكسي ..متحدث من الطراز الأول ..
هل أستقبله لكل حب رغم مافعله بي ؟
عزيزتي غادة ..شكرا جزيلا لمشاركتك
