جوابا على تساؤلج عن الشعور أثناء ارتداء النقاب...
عن تجربة شخصية .. أحد الصعوبات لما تكونين في مجتمع قليل ارتداء النقاب فيه
لأن اغلب الاماكن مفتوحة للجنسين ... مثلا المطاعم والكفيهات والمعارض ووو إلخ
فما آخذ راحتي لذلك طلعاتي قليلة صارت
بالإضافة إلى البهذلة إذا تلبسين مع النقاب عباية الرأس
بس إذا النقاب بدون عباية الرأس والقفازات وايد اسهل
انه اللي متعبني ان البس كل هذيل...
في الصيف متعب مع حرارة الجو .. وما احس بالاختناق
بس لما امشي مسافة طويلة اشعر بضيق في تنفسي

أما الشيء الايجابي .. صرت اشعر براحة نفسية لاني من محبات الزينة والمكياج
فصرت احط براحتي بدون ما اخالف الشرع
لما رحت الحج وصار وقت المناسك اضطريت ان اشيل النقاب 3 او 4 ايام .. كنت احس ان شيء ناقصني واشعر بالخجل لان الرجال يشوفون وجهي رغم ان كنت متعودة على هالوضع
رغم ان احيانا اتوق للحرية خاطري احس بالهواء على ويهي مباشرة


هذي خلاصة سنة و 8 اشهر تقريبا
هي المدة اللي ارتديت فيها النقاب
ولو يرجع الزمان راح اوافق ان البسه
ولو يخيروني ان اشيله او ابقيه راح اختار وجوده

على فكرة آنه بعد لبسته بسبب رغبة زوجي
واستمريت فيه قربة لله تعالى

__________________

حاجة الناس إليكم من نعم الله عليكم ، فـ لا تملوا النِعم ☁✨