سلام عليكم

بدخل في الموضوع على طول

يا جماعة ما ادري , هل انا حساس؟ ولا هي فعلا كلامها وتصرفاتها جارحة؟ صرت ماني قادر احلل الموقف مضبوط , بعطيكم بعض الحالات والمواقف اللي صارت بيني وبينها , وانتم احكمو .

1- اهلها سافرو الطائف , رجعو وجابو لها " حلا " جات وقالت لي : اهلي جايبين لي حلا وابي اروح اخذه , وما ينفع الحلا يجلس الى اخر الاسبوع ( اللي هو اليوم اللي تروح فيه لاهلها) فلازم اروح واخذه دحين . ( اكتشفت بعدين انه الحلا يجلس بالشهور عادي وهي عارفة الشي هذا , بس قالت الكلمة هذه تبي تطلع من البيت . هنا انا اسميه استغفال وكذب

2- كنا جالسين على العشا , قالت لي , جدتي تعبانة ونبي نزورها , قلت لها خليها نهاية الاسبوع , لأنه وقتي ما يسمح , قالت " لا تستثقل زياراتي على اهلي " , مع اني يشهد الله مافي زيارة او مناسبة منعتها منها , كلها راحتها وما قصرت معها . هنا انا اسميه قلة تقدير

3- شفت دجاج مخمج وريحته مش كويسة , سألتها عنه , قالت عادي طبخته , وضحت لها انه ريحته سيئة وانه له عندنا اسبوع , قامت اخذته وحطته مع السلطة وقدمته عشان اكله , واكلته وانا ما ادري انه فيه دجاج , سألتها عنه قالت عادي ممكن يؤكل , قلت لها انا وضحت لك انه ريحته سيئة , قالت: افتكرت كلامك بس كذا كلام عادي وزي ما تجي تجي ( تقصد انها افتكرت كلامي مش جاد وانه عادي حطته على الغدا ولا ما حطته ما يفرق معي ) . هنا انا اسميه قلة احترام وتطنيش لكلامي ولا كأني قلت لها شي

وكثير مواقف صارت وتغاضيت عنها

الحين ابي اعرف , هل انا غلطان لما ازعل من احد هذه المواقف ؟ ولا انا حساس بزيادة وجالس اضخم الامور ؟

عمري ما كنت كذا افكر كثير واجلس احلل الموقف اكثر مرة , عادة اتخذ قراري بإني ازعل او ما ازعل في نفس اللحظة . شي غريب

ملاحظة : عمر الزواج شهرين ونصف , عمري 27 وزوجتي 19


شكرا لكم