منتدى عالم الأسرة والمجتمع - عرض مشاركة واحدة

22-04-2016, 11:55 AM

#22591

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

من حوالي سنة لقيت هذا الشي في واحد من المحلات اللي تبيع أدوات المطبخ.

اشتريته وقلت حركة حلوة ودلع رومانسي لما أعمل بيض عيون.

طبعاً اشتريته لنفسي لأن زوجي ما ياكل بيض .. لكن اللي حصل إني استخدمته يمكن مرتين أو ثلاث فقط .. وتم في الكبت من هذاك الوقت.
.
.
.
البارحة كنت معزومة مع ماما ورجعت متأخر .. وبالتالي نشّيت اليوم متأخر .. وزوجي كان سابقني مع اليهال للمطبخ.

طبعاً في مثل هالأحوال زوجي هو اللي يجهّز لهم الشاي والريوق.

لما قمت وطلعت من الغرفة استقبلتني البنتين وصبّحن عليّ ومسكن يدي وسحبنّي للمطبخ وهن يقولن لي: ماما غمضي عينج .. في مفاجأة في المطبخ.

دخلت المطبخ وأنا مغمضة عيوني ويلست على الطاولة .. وزوجي كان في المطبخ .. بعد شوي قالن لي: ماما افتحي عينج.

لقيت صحن ريوقي جدامي .... وزوجي هو اللي سواه لي

الحمدلله رب العالمين.

__________________

اللهم طِيبَ الأثر .. وحُسْنَ الرحيل.