رد: كوفي شوب الصبايا (٣)
اقتباس:
المشاركة الأصلية كتبت بواسطة هاجر9
لاحظت في اللهجة البحرينية تبلعون الحروف علي كيفكم
دياي وين حرف الجيم
تقولوا ما ننطقوا
طيب كم تقولوا جم كيف نطقتوه
علي كيفكم يعني 
دورت وراكم في قوقل لقيت بلاوي عافسين اللهجة الخليجية عفيسة ما بعدها و لا قبلها 
لكان تمر تسموه سحة 
و الظلام خرمس و كملتوها الاسعاف صار عمبلوس  |
ننطق حرف الجيم ولو .. والجيم الصحيحة 
احسن من بعض الناس مايقدرون يلفظونها ..
بس في كثير من الكلمات العامية نقلبها إلى ياء من باب التخفيف : 
دياي = دجاج
شيرة = شجرة
يبل = جبل
ياية = جاية
اليمعة = الجمعة
يديد = جديد
القاف عندنا بالعامية نلفظها مثل الجيم المصرية أو G من قولد ( كتبتها بالأنجليزي طلعت لي مشفرة ) يلا اقرأيها بهالحرف :
قمر
قبل
رقدت
ورقة
وبعض الكلمات نحول القاف إلى جيم عادية بس هذي مش كثيرة . يمكن عند الاماراتيين أكثر :
جديم = قديم
جدام = قدام
وحرف الكاف نحولها ج اللي فيها 3 نقط Ch مثل Chair :
مبجر = مبكر
جبريت = كبريت
أحبج = أحبكِ
شفيها لهجتنا حلوة .. على الأقل مانجمع المفرد ونأنث المذكر 
التعديل الأخير تم بواسطة مــريم ; 26-04-2016 الساعة 10:31 AM