من كثر الدلع صاير فاضي ينتقد ..

مشكلتك معاه مو بالطبخ .. المشكلة انك ضعيفة قدامه وماتدافعين عن نفسك ..

اذا تبغين مساعدة بخصوص الطبخ عيوني لك وعلمت كثير من زميلاتي بالواتس او بالكلام وكلهم يدعون لي .. فلو محتاجة طبق معين اكتبي موضوع بقسم المرأة وبنساعدك

لكن مبدئيا اشوف انك تقللين اهتمام فيه وتبجيل زايد عن حده .. اجب تشحنين له الجوال وتلمعين جزمه بدون ما يطلب ؟

اهتمي بنفسك واهتمي بنفسيتك واهتمي بعباداتك .. من جدك تفكرين بالانتحار ؟!! ومتوقعة اننا بنرحمك ونطبطب عليك ؟!!!
اصحي على نفسك الله يهديك !

حاولي تشغلين نفسك بوظيفة او دار تحفيظ اي شيء يبعدك عن البيت وجو زوجك .. احس من كثر الفراغ صار زوجك هو كل حياتك وهذا خطأ ..

تابعي استشاريات اسريات في انستغرام .. طوري من نفسك طوري من مهاراتك

ولو تكلم وسبك لا تبكين خلاص عرفتي ان بكائك ما أثر فيه . تكلمي بوضوح وبنبرة ثقة
قولي انا اسوي واسوي واسوي واسوي ومن ناحية الطبخ اهلك كلهم يشيدون بطبخي كوني ما اعرف اضبط الرز بسس تقوم تنسف كل جمايلي ؟

و ع فكرة ترا اخواتك يسبون طبخ زوجة اخوك يقولون ماصخ ومافيه طعم ؛) بس اخوك بصف زوجته ويدعمها ويشجعها ماشاءالله الله يديم عليهم

ولو حطيتي الاكل قدامه لا تسبين وتخافين وتسألينه عن رايه .. قدميه وانتي واثقة من طبخك واكليه قدامه وانتي تتلذذين فيه ..


هل هو يشكرك ويشوف مزاياك ؟
والا بس يطلب بدون شكر ؟

__________________
سبحان الله وبحمده ، سبحان الله العظيم