أقصد حصلت تفاصيل صغيرة في الموقف كله ، وانا تجاهلت ذكرها لأني أخشى تكون من الحشو الزائد اللي يشتت عن الهدف الاساسي من موضوعي .
سواءا كانت تفاصيل فيها احتواء من الدكتورة
مثلا : انا كنت منهارة وأردد : ليش تبي ترسبيني ؟!
وهي تقول انا ما ارسب أحد ، وانتِ عندك اعمال السنة و درجات الاختبار النهائي ، فقلت : اي اختبار انا ماحليت ولا ادري ايش كتبت؟
وكانت تقولي : ليش مسويه هذا كله ، كل شي بالتفاهم ، و الاسلوب ينحل ، ربنا قال لموسى لما راح لفرعون : فقولا له قولا لينا ، هذا و هوا فرعون !
قلت لها : يا دكتورة انتِ وترتيني وماخليتيني اعرف احل لما قلتي ماتاخذي اوراقي ، خلاص صرت ما اعرف احل وانفعلت مرة ومو قصدي ارفع صوتي عليكِ لكن من التوتر والانفعال.
وموقف اخر : لما دخلت طلبت مني اجلس ونتفاهم وانا رفضت اجلس،
كانت تحاول تحتوي الموقف كم مرة وتقول : انا لو تعرفيني انا احل مشاكلكم بس انتِ الله يهديكِ !
بالرغم من انها معروفة انها دكتورة شديدة جدا جدا ومو مرنة ولا متفاهمة.

او حتى تفاصيل متعلقة بالموضوع ككل ، مثل اللي صار في القاعة بالتفصيل ومثل استدعاء المسؤولة للوكيلة ، والحوار اللي دار بيننا .