وعليكم السلام ورحمة الله وبركاته
اهلا وسهلا فيكي عزيزتي هند نورت قسم عالم المرأة
شكرا كتير عالطرح المميز كعادتك دائما
بالنسبة للاستعدادات ببدأ بالاستعداد اول شي بالبيت
تقريبا آخر عشر ايام من شهر شعبان بعمل تنظيف عميق لخزاين المطبخ وخزاين الملابس مع تنظيف الشبابيك واي شي ما بيكون تنظيفه بشكل يومي
بعطي حالي مدة من خمس ايام لاسبوع كحد اقصى
وبحط برنامج لكل يوم شو الاشياء اللي لازم انجزها
وكمان بكتب برنامج قبل بوقت بالاطباق اللي لازم ساويها بايام شهر رمضان
واجمالا ما بكتر اصناف ولا بتعب حالي
ان يوم عملت كذا صنف بعمل حساب يكفوا ليومين او تلات ايام
فكرمال هيك بكتب برنامج لكل يوم او لكل يومين تلاتة شو اعمل
وبنفس الوقت لجيب الاغراض اللي بتعتبر مونة للشهر كله
من سكر وارز وعدس وزيت وطحين ومعلبات اللي غير متوفر منها طازة بموسمها ومكونات الحلويات وغيرها
وصحون الكارتون والبلاستيك للاستعمال السريع اذا كنت مشغولة بمواعيد او تعبانة وادوات التنظيف كمان
لي عودة ان شاءالله بالمزيد من الشرح بشكل مفصل اكثر
الله يبلغنا جميعا شهر رمضان قيامه وصيامه
احترامي