اقتباس:
المشاركة الأصلية كتبت بواسطة mimomea
يسعدلي مساكن وكل اوقاتكن حبيباتي 😙😙😙😙
جزاكم الله خير الجزاء على كل حرف عم تكتبوه وجعله الله في ميزان حسناتكم
اكيد بيفيدنا وبيفيد اي ست رح تدخل وتشوف الموضوع ولو كانت من زوار منتدانا الكريم
وان شاءالله هالموضوع لكسب الاجر
بالنسبة للمفرزنات ان شاءالله عم نجهز موضوع بيخصه لنطرحه بنصف شهر شعبان
والهدف منه مساعدة الست العاملة اللي ما عندها وقت للتجهيز وهيك بتكسب الوقت للعبادة احسن ما يروح كله بالمطبخ
وكمان للعزومات الطارئة او في حال استجد شي على صحة ست البيت
بالنسبة لشراء ثياب العيد هيدي الفكرة كتير ممتازة وبنصح فيها اي امرأة
لانها رح تختار على ذوقها من دون تذمر ومعها وقت كاف
وتاني شي ما رح تبذر المال نظرا لغلاء الاسعار قبل ايام العيد
وتالت شي بتتفادى الازدحام اللي بيرهق في فترات قرب العيد
بالنسبة لورق الزبدة للفرن الحمدلله بستعمله كل السنة لانه بالفعل عملي وبيخفف كتير على ست البيت
واذا شي فيه زيوت بيخفف منها حتى ممكن نستغني عن كثرتها لنحصل على اكل صحي
وفينا نستخدمه لتسخين ما تبقى من المقالي من اليوم السابق
التنظيف العميق ضروري قبل شهر رمضان لانو انا عن حالي كتير بتقل مروتي عالصيام
فبيصير التنظيف بشكل يومي خفيف مع مساعدة افراد الاسرة
وهيدا بعتبره مهم واساسي لانو بالاول والاخير حلو الصغير والكبير يتحمل المسؤولية
وهالشي لصالحه وتاني شي ست البيت مانها مكينة لتقدر تقوم بكل شي لوحدها
وليكون عندها طاقة ووقت كاف للقيام بالعبادات في هالشهر الفضيل
بالنسبة لكثرة الاصناف انا ضد فكرة التبذير بهالشهر بل بعتبره موعظة لنقدر النعمة اللي فيها ونحس بغيرنا اللي ما عندهن طعام كافي طول السنة مش بس بهالشهر الفضيل
تقريبا الفتوش بفرمه ليومين او تلاتة وبحطهن بالحافظة من دون اضافة الملح والزيت والحامض وبضيفهن قبل الاستعمال بدقائق
فبيضلهن فريش
والشوربة نفس الشي بقسمها وبسخن قبل الافطار بدقائق
اللي عندهن عزائم بشهر رمضان حلو قبل بوقت توضع ست البيت جدول بالايام اللي رح يصير فيها عزائم
وتكتب الاصناف اللي بدها تحضرها وتجهزها قبل بيومين تلاتة
كرمال ما يجي يوم العزيمة وتستهلك كل طاقتها والوقت يكون ضيق
فرح يسبب هالشي سترس الها
من ضمن التحضيرات للشهر الفضيل انو تتعاون كل افراد الاسرة بعمل اي شي من زينة او كتابات بيوحي بهالشهر مما يخلق بالبيت جو روحانية وراحة نفسية وبيستشعروا فيه
مرور سريع وان شاءالله لي عودة لاضافة المزيد
يعطيكن الف عافية
|
ميموميا
صدقتي كثرة الأصناف غير مستحبة ..
لكن المشكلة أن الكثيرين تعودوا عليها للأسف
بعض الرجال يزعل من زوجته إذا لم تكن السفرة عامرة .
و مرات تُقدم بعض الأصناف المحببة للأطفال كنوع من تشجيع الأطفال على الصيام .
لكن الملاحظ عموماً أن الناس في رمضان تقلل الأكل تدريجياً
في نصف الشهر أو آخره من الطبيعي أن نقلل كميات الطبخ .
لأن المعدة تصغر بالتدريج مع الصيام .
جزاكِ الله خير الجزاء على افادتنا بأفكارك .