تعرفون مشاكلي السابقة مع زوجي
وانا مقتنعه اني مو سيئة ولا هو سيء
لكن بينا تنافر عجيب بالشخصيات
ودايما احس اني مو الانثى اللي كان يتمناها
مع كذا الحياه ماشيه
والحمدلله على كل حال

لكن في شي شاغل بالي
اهل زوجي جتهم شغاله جديده
فلبينيه
جميله وفيها دلع لااافت
وهم تاركينها بدون ما تلم شعرها
فطول الوقت تلعب باطرافه (طويل وناعم)

اللي مستفزني بالموضوع نظرات زوجي
اذا مرت يرتبك
اذا جلست تتدلع وهي تشيل شي
او وهي تلعب ولدي
لقيته ياكلها بعيونه من تحت لتحت

والشغاله مو مقصره
تسلم اذا شافته (هاي سير)
وانا ما تسلم علي وتتجاهلني

وكل اسبوع عامله لها لوك جديد
مره قاصه الغره من قدام
مره رافعتها ببنسه



انا ماهمتني
بس زوجي مستفزني
ولا مره كلمته
بس قبل شوي مرت وهي تتدلع باطراف شعرها
وزوجي كان بياكلها بعيونه
تخيلوا التفت وراها
وانا بعيده ما انتبه لي


وحتى محد يفهمني غلط
انا اجيب دايما شغالات لبيتي
اشكال والوان
وعمري ماتضايقت من اي شغاله
بس هذي مو مضبوطه
وعيون زوجي تفضحه
لاول مره اشوفه كذا !!

مليت من هالوضع
قبل شهر كلمت امي
وقالت لي طنشي ولا تهتمي الخ

طيب انتم ايش رايكم؟