حابه اوضح للجميع لان والله جد تعبانه ومظغوطه نفسيا فوق ماتتصورون
اخوي لما جاء لعندي لانو حس انو غلطان وتورط وعشان اساعده مو عشان مبسوط ومرتاح..
انا بالبدايه قلت له خلاص بدل الفضايح خلينا نعلن زواجك ونسوي حفله ونعزم الناس ع اساس انك توك تزوجتها هو رفض مرا
هو عارف ردة فعل اهلي ..
وانا عشاني عارفه وش ممكن يصير اذا اهلي عرفوا علمته ترا بيصير كذا وكذا وكذا
عندك استعداد تواجه كل ذا...
سكت لانو مايقدر يواجه اهلي بها
قلت له اذا ابوي قالك طلق بشو ترد عليه؟؟
اذا طردتك امي وزعلت عليك وتصرفهم طبيعي لانو ماعمل لهم اي اعتبار شو تعمل ؟
قال راح اطلق..
لما شفته عندو استعداد يطلق
وناوي الطلاق فعلا
قلت له طلق بنت الناس بدون هالبهذله كلها..
او خبر اهلي وشوف وش ممكن يصير..
هو خايف ..
قلت له بالله مرتاح لطريقتك
24 ساعه ببدلة الدوام بحجة انو اذا طلع من البيت ترا انا رايح الدوام
كذبك المستمر وخوفك من انك بأي لحضه ممكن تنكشف كأنك حرامي مسوي جريمه خايف تنكشف بأي وقت
هذا غير عذاب الضمير بالبنت من جهه ومن جهه اهلي...
هو اعترف وقال كنت غلطان واخترت الاسهل لي كنت منعمي ومافكرت بعواقب الامور...
قلت الحل تكون قد الشي اللي سويته
خبر اهلي او نستعين بأحد من اخواني الثقه
لان زواجك مستحيل يتخبى ...

بنت الناس بالله بتحمل ذنبها اذا طلقها اخوي
مهما كان ظروفها لا احد يجيب لها عذر
زواج زي كذا شو متوقع نهايته
حتى هو شرط عليهم انو مايعلن وان في حال اعلن الزواج من جهتهم ترا بيطلق ووافقوا بدون اي ضمانات...
هم اهل البنت ملامين
ماابري اخوي هو غلطان ميه بالميه
قلت له ليه ماجيتني قبل ذا كلو والله اوقف معاك ولا هالمصيبه قال كنتي بعيده بعملك ..
يعني هو اختار الاسهل له...
والان بعد ماراحت سكرته بدأ يدرك حجم الغلط اللي مسويه ويقول شو المخرج..
صح انو حبيبي كان بيعف نفسه والحمدلله حلال ولا حرام بس ايضا مو مبرر طريقتك غلط
قلت له ليه هالبنت بالذات قال عشان اقل تكاليف قلت اي تكاليف وانت عارف اذا نويت تتزوج الكل بيوقف معاك مثل اخواني السابقين ومااحد بيقصر معاك ..
قال بس يكفي لا تلوميني خلاص اللي صار صار..
اتكلم بالتفاصيل عشان تعرفوا انو مو عشان عاشق للبنت او عشان احدد مشدد عليه
هو تهور واللحين خايف ومحتار بين اهلي وبين البنت نفسها..

__________________
(سيدة الموقف)
لم ننساك ونسأل الله ان تكوني أنتي وأولادك بخير