ما دام خط الرجعة مش وارد ابدا والعلم عند الله
ودخول المحاكم مستبعدة بالوقت الحالي
فاعتبري حالك حبيبتي شوك انك منفصلة وشو ما حكى وشو ما عمل ما تهتمي
لانو ممكن كمان بعد الانفصال عن طريق الاولاد ينكد عليكي
فبالحالتين ممكن ما تخلصي من تصرفاته
فكرمال هيك اسمعي من هون وارمي من هون
لانو حرام تضلك مستنزفة اعصابك وانت بالاساس ست اشهر بعيدة

خلص بيكفي قهر وعذاب
اختلطي باختك كتير اللي كان مانع انها تزورك اجتمعي معها باي مكان بيهدي الاعصاب غير اجتماعكن ببيتها وببيت امك
شوفي اي صديقة بترتاحيلها كمان اعملوا جلسة للاسترخاء
روحي اتسوقي لشهر رمضان وجيبي زينة للاجواء الرمضانية
وزيني ركن من البيت عند امك
عيشي انت واولادك الجو اللي بتتمنيه
ما تخليه سبب لحرمانك من اشياء بتتمنيها
مش لازم وجود رجل بحياتنا لنحقق ونعيش الاشياء اللي بنحبها

بتعرفي زوجك مجرد كلام الاولاد معك ومستمرة بوظيفتك
ومش جابرك عالرجعة مهما بدر منه تصرف بين فترة وفترة
وكل ما يصدر تصرف اعتبريها سحابة صيف وبتزول

نفسه طويل خلي نفسك اطول بس من دون مجهود
الحمدلله ولادك هني المكسب من هالزواج فاستمتعي معهن وانسي الدنيا وما فيها
دعواتي ترافقك حبيبتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه