و اسمحي لي المعلومة بأن الكريمات و الكبسولات لاتجدي شيئا غير صحيييييح بالمرة . فيه نساء نفعتهم و فيه نساء استعملوا طرق غيرها و نفعتهم .

و بالنسبة للحمل و الرضاعة بعض الناس تتغير مقاساتها و البعض لا و غالب النساء بعد الرضاعة تعاني من ترهل خاصة لو أهملت نفسها و هذا اللي حصل معي ترهل مع صغر بالمقاس و طبعا الوضع كان محرج مع الزوج لكن مفهوم و متوقع ماهو مصيبة و لاشي مخيف . عادي الناس تتغير أجسامها و نفسياتها أثناء الزواج و الناس تكمل مع بعضها عادي . الأسر أيش اللي يخليها تحافظ على ترابطها غير الاتزان و العقل و التغافل .
خطيبك لو كتب لكم الله عشرة و حصل له شي لاسمح الله . خلينا نقول حادث و سبب له شلل بعيد الشر بتستغني عنه و بتقولي ماعاد يلزمني و لا بتكملي معاه للنهاية لأنك بنت أصل ؟ الزواج فيه ابعاد أوسع من البعد المادي المرتبط بشكل الجسم و الجمال و الجنس و الرجل اللي أهم ماعنده هذا الجانب ينخاف منه لأنه باللحظة اللي بيلقى فيها الافضل منك من هالناحية المادية بيتخلى عنك .
دوري على الرجل الاصيل اللي عنده استعداد يكمل عالحلوة و المرة و كوني صريحة من البداية عشانك قبل مايكون عشانه