المشاركة الأصلية كتبت بواسطة ريتاج2016

اول شي الف مبروك و جزاك الله خير على تقبل بنتها معها وانك ماحطيت شرط تترك بنتها لان حرام تفرقهم .. ولو ان بنتها صغيره اييه ممكن تخليها عند اهلها اسبوع بس بنتها ماشاء الله كبيره سو لها غرفه ومافي مانع تجي مع امها من اول ليله .. لاتفرررقهم عن بعض الا اذا امها خلتها يوم عادي بكيفها .. والشي الثاني اخو زوجي عنده حرمتين وحده عندها 3 اطفال وحده 2 .. وجامعهم بشقه وحده ( شقه مو بيت كبير ) ومع هذا اول ماجيتهم ماكنت اعرف انهم شريكات والله كأنهم خوات و عيالهم ماكنت ادري هذي بنت من فيهم لان كلهم يهتمون بكل الاطفال .. ويشتغلن مع بعض واذا وحده فيهم حامل الثانيه تساعدها بكل شي .. انا استغربت وقلت لزوجي ماشاء الله حريم اخوك كأنهم خوات اول مره اشوف كذا .. قال اخوي له دور ولو ارخى لهم الحبل من اولها ماكان صاروا كذا ... شوف اخوي انت من ثاني يوم بعرسك اجمعهم كلهم زوجاتك و اولادك وبنتها .. وقولهم احنا الحين عيله وحده و كل وحده لازم تتقبل الثانيه و تصيرون ايد وحده وتتفاهمون وتقول لبناتك هذي صارت اختكم انتوا صرتوا خوات لازم تحترمون بعض .. وترمي عليهم من النصايح والتعليمات والقوانين و العقوبات وكل شي دفعه وحده .. و كل ماصار خلاف لاتصير مع وحده ضد الثانيه احكم زين وخلك قوي ترى اهم شي للرجل المعدد قوووة الشخصية ووانت ان شاء الله قدها