رد: اسرة على شفا الانهيار
سجلت دخول فقط عشان أرد عليك لما قرأت موضوعك
أولاً : يتضح أنك رجل صالح ومتزن وعاقل وبصدقك القول في كل حرف كأنك أخوي بالضبط
* زوجتك أظن أن تعليمها غير عالي يعني على قدها وأنها بسيطة متواضعه في تفكيرها وأحلامها وحتى مستوى ذكائها وتقديرها للأمور
( وهذه مشكلة في شريحة كبيرة من النساء عشان كذا هم فريسة سهلة دائما 
)
عادة المرأه إذا كان مستوى ذكائها عالي ماتطيح في هالعثرات لأنها غصبا عنها تحسب كل الأمور بعقلها وتحاتي وتفند وتبحث بينها وبين نفسها لذلك تخاف وتنتبه
زوجتك عاطفية بسيطة حقيقة انت الحب الوحيد في حياتها وتحب بيتها واطفالها وعائلتها لكن الفضول والعاطفة وحب التغيير والاكشن مع وجود الشيطان زين لها هالموضوع
لو أخوي اللي جاني وقالي هالمشكلة في ظل هالظروف والمعطيات كان نصحته بأمرين:
* إياك ثم إياك ثم إياك تطلقها أو تبعدها عن بيتك وعن عيالك
هذا الدمار الفعلي بدال مايكون فيه ضحيه وحده بيكون فيه عايله كاملة بتضيع
خلها تحت عينك غصبا عنها وتخدم عيالها غصبا عنها وتداري البيت والعيال وتقوم بالواجبات على اكمل وجه ولاتبعد عن نظرك دقيقه وتظل طول الوقت تحت جناحك منها تحتوي عيالها وتحافظ على استقرارك ومنها تحس انها سجينة وليست حره !! وسجانها جالس يراقبها وينتظر منها زله هذا بيخليها تحرص تقوم سلوكها ويصير فيه رقابه ذاتيه على نفسها وتحاول تستعطف رضاك عليها
* الأمر الثاني انها اخطأت والمخطيء لازم يعاقب ولولا العقاب ما استقام أحد
غير معاملتك معها تماما لكن بنفس الوقت تراعي الله وتتقيه يعني غير المعامله بنية تقويمها وليس إذلالها وإهانتها
لاتبتسم لها ابدا اذا طلبت منها شي خله بصيغةالأمر كلامك معها مقتضب جدا لاتعطيها وجه لاتحسسها انك مهتم فيها لازم تصير قلقه وخايفه ماتدري انت وش فيك ووش تفكر فيه ووش ممكن تسوي ؟
حقك الشرعي اذا تبيه خذه منها عادي لانه حقك ولانه اعفاف عشان مايفتح لك الشيطان ابواب لكن انتبه لاتغرقها عاطفه
لازم تنحرم عشان تتأدب
جوالها راقبه وان قدرت تمنعها منه احسن بعد او خله معها لكن راقبه طول الوقت
الدعاء في ظهر الغيب ياخوي
اطلب الله يهديها ويسترها ويستركم ومن اراد بكم سوء يخزيه ويرد كيده في نحره
وصديفك الخائن لاتدنس نفسك معه لكن اقطع علاقتك فيه ولاتحتك فيه وعامله بصرامه عشان يخاف ويبعد عنكم
التعديل الأخير تم بواسطة أبله دلال ; 30-05-2016 الساعة 03:55 AM