السلام عليكم
Neat Man
من غير مقدمات : أحاول وأبغي اوصل لمرحلة الإستقرار والإكتفاء الذاتي .
وين المشكلة ؟
تخيل من غير ظروف سعيدة ومن غير مساعدة أي شخص وبدون أي مناسبة تحاول تكون متكيف مع ذاتك تماما وسعيد ومرتاح ! الموضوع مو بهذا السهوله , أعتقد أقدر أكون نكدية وتعيسة من غير سبب لكن أكون سعيدة لا , بني آدم بطبعه جاحد ويركز على كل شي فاقده ويترك النعم اللي حوله _ألف حمد وشكر لله على كل حال ونعمة _
طيب وش المانع ؟
مااعرف ,, ممكن لأن رابطيين السعادة بمناسبات معينة فعقلي مو متقبله الفكره
يعني أنا حاليا أتجاهل هالفكرة وكل نية لـلتغيير إلى أن تصير مناسبة معينة ويظل هالقرار مؤجل ومرتبط بأحداث ممكن ماتصير الا بمخي .
أنا مو حزينة لكن لما أكون سعيدة أحس كأن في شي ناقص ..كأن الوضع الأنسب أكون تعيسة !
و أرجـوك
الموضوع مو مجرد كلام ومحاولة وبعدها راح يضبط أو تذكير باللي عندي من النعم ,,أصعب من كذا بالنسبة لي
وأنا كبيره والله ,, تجاوزت مرحلة المراهقة فـ عاملني كـأني كبيره
#
صفات تضايقني فيني :
اعتقد مافي شخص خالي من العيوب , وحقيقة مااعرف لو عيوبي من النوع الواضح ومأثره على نظرة الناس لي ويحتاج أني اتدارك الموضوع من الآن, لكن
لما أكتبها و أواجه نفسي فيها يساعدني هالشي أتعامل معها على الأقل
متناقضة , خيالي إلى الآن صامد ويتجدد ولا كأنه كل مره ينصفع بالواقع , ماعندي صبر ,بسهوله يقدر اي شخص يستفزني
ولو كنت معصبه او زعلانه على شخص راح أجحد ماضيه بحاضره ومستقبله
يعني مااعرف ليه ببساطه مااقول التصرف اللي ضايقني بدون كل هالإنكار
#