الشخص البارد يرفع الضغط
والعصبي بعد يرفع الضغط

مرة طلبت من زوجي غرض للبيت
وهو بالعادة ما يتأخر علي..
بس هالمرة تأخر و سكتت عنه قلت ما ابي اضغط عليه اكيد مشغول...
عاد في يوم ما رجع وقال لي انه مر المحل الفلاني اللي فيه الغرض اللي ابيه
قلت له .. شكلك نسيت ان طالبة منك جذي و جذي
عصب وتنرفز و حالته حاله .. ليش ما تذكريني الحين ارد اطق شوط واروح اجيبه يعني !!!! و ظل يحن و يطحن على جبدي
اول شيء سكتت عنه .. عصب قال تحقريني
عقبها جاوبت جواب مقتضب . وقلت له ما عليه ان شاء الله مرة ثانية
عصب و قال تسكتيني بردودج المقتضبة
لما تكلمت وقلت له مللتني الوقف سخيف وما يسوى .. عندي سيارتي باروح باجيب الغرض اللي ابيه لو هو في المريخ شكرا لخدماتك ... عصب و قال ترادديني
سكتت شوي وحاولت اهديه .. قال اذا انا معصب سكتي عني

عقب عشر دقايق يجي يمزح و يراضي و يبيني دايركت ارضى اذا ما رضيت ف آنه نكدية 😂 ف ارضى غصب عني احيانا

😂😂 اذا معصب احتار فيه لا اقدر اشويه ولا اقدر اقليه
الحمدلله رب العالمين
غيرنا عايش في كوارث .. اذا على العصبية الحمدلله بنحاول نتعايش وياها..

__________________

حاجة الناس إليكم من نعم الله عليكم ، فـ لا تملوا النِعم ☁✨