المشاركة الأصلية كتبت بواسطة روح الطير

الله يكون بعونك
الله يكون بعونك
الله يكون بعونك

حاسة بوضعك ، لإنه نفس حكايتي لكن ( بالعكس ) ..

تابت ، تاب .. ( لكن بعد إيش ؟ )

.
.

عموماً ، مصلحة أولادك أهم شي ..
و ولدك الكبير في نفس عمر ولدي الكبير ، و هو محتاج لي فعلاً ..
خاصة الفترة هذه ، محتاجين لوجود - أمهم - ..
( معذرة منك ، لا أتحدث عنها أبداً و لا عن مشاعرها .. لانهم السبب في دمار أسرتهم )

مرات انشغل عن ولدي الكبير ، بأخوانه الصغار 3 و 5 سنوات و لحاجتهم لرعاية أكثر ..
و اشعر بالتقصير ، و أحسه ضايع و مفتقد حنان و يحاول يجذب انتباهي له بأي طريقة ..
و أبدأ أعوض ولدي الكبير ،. و عشان كذا أقول لك انهم محتاجين امهم ..

و حالياً مافي مدارس ، لو تاخد اجازة في شوال أو القعدة و تسافر معاهم و تهتم بهم ؟

و طبعاً خليهم يزورا أمهم الآن ، لو نص رمضان معاها ، و نصه معاك ..
و بعدين تسافر انت و اولادك تغيروا جو ..

و خلاص شوف ايش رايهم ، و انقل ملفاتهم لمدرسة قريبة من بيت أهل أمهم ..
و اتفق مع خالهم ، كيف يروحوا و يرجعوا .. و متى بيكونوا عندك ..

و انك احتمال ترجع تاخدهم مستقبلاً و يعيشوا معاك إذا كبروا شوي بإذن الله ..
و تحسنت ظروف عملك ..

لكن اولادك خليهم مع أمهم ، و عالأقل جدتهم موجودة - تعطيهم الحنان اللي هما بحاجة له - ..
و مهما انت كنت حنون و طيب معاهم ، لكن يحتاجوا لأمهم و خاصة من سن الولادة لحد سن المراهقة ..

و ربي يعوضك على صبرك ..