هذه سالفة شيخ ماجاء له من زوجته الاولى الا ولد واحد ووقفت ماعاد جابت له عيال
وعندهم جاريه قالت له زوجته ام الولد خذ الجاريه يمكن الله يرزقك بعيال
اخذ الجاريه وجابت له ولد ووقفت مثل الاوله
كبروا العيال وتوفي الشيخ ثم اختلفوا عيال الشيخ على الشيخه

ولد الحره يبغي الشيخه
وولد الجاريه يبغي الشيخه

طولوا في الاختلاف ثم جالهم واحد من القبيله
قال ياعيال ترا القبيله بدون شيخ والشيخه عندكم وليش ما يأخذها واحد منكم
قالوا كل واحد انا ابغي اكون الشيخ

قال انا بحلها بينكم نروح للشيخ الفلاني في الديره الفلانيه معروف عندهم وهو يحلها بينكم قالوا :تم

وصلوعند الشيخ المذكور قال ها ويش عندكم
قال لهم الرجل هذولا عيال الشيخ فلان وبعد وفاته قال كل واحد منهم انا الشيخ

قال الحكيم تقبلون بحكمي؟

قالو نعم

قال انا عندي اختبار لكل واحد منكم واللي ينجح هو الشيخ

قالو تم .

قال ها انت أجلس ياولد الحره
وتعال ياولد الجاريه

وأخذه في مكان لحاله وسأله .

قال الشيخ
ويش امس ؟
ويش قبل امس؟
ويش اليوم ؟

..أجاب ولد الجاريه
قال امس الثلوث
وقبل امس الاثنين
واليوم الربوع ..

قال الشيخ
ويش اطيب الطعام .
أجاب العصيده والسمن .

قال الشيخ
ويش احسن ريح
أجاب ريح الحبشوش .

قال الشيخ
ويش احسن ظل
اجاب ظل السدره اللي في المكان الفلاني ...

قال الشيخ هاروّح خل اخوك يجي ..





جاء ولد الحره قاله الشيخ أجلس .

ثم قال له نفس الأسئله .

قال ويش امس
ويش قبل امس
ويش اليوم .

أجاب
قال امس ابوي
وقبل امس جدي
واليوم انا .

قال ويش احسن طعام
قال حليب الأم .

قال ويش احسن ريح
قال ريح البارود .

قال ويش احسن ظل
قال ظل ربعي وجماعتي.

خرج عليهم الشيخ في مجلسه

قال أسمعوا يالربع

انت ياولد الحره الشيخ

وأنت ياولد الجاريه
أرع الغنم ...

وقيّل في السدره اللي انت خابرها😂😂😂😂😂😂😂😂😂
🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸


بالله مو أطلق من سالفة الجني الميت و أبو ١٦طلقة وأخوه اللي لليوم ما اكتملت😀

__________________
سبحان الله وبحمده..سبحان الله العظيم