السلام عليكم ورحمة الله وبركاته
لو سمحتم عايزة رايكم في الموضوع ده وتقولولي بصراحة تقصيري فين بالظبط وانا غلطت في ايه انا ليا اختين مسافرين كندا واخت لسة متزوجة من اربع شهور واخ متزوج في الامارات حاليا عندنا في اجازة وانا متزوجة وعندي طفل وراجعة من السعودية بقالي خمس شهور والدتي من النوع اللي مش متعود انها تبقي لوحدها واحنا بناتها الاربعة اصحابها وكلنا افترقنا عنها قريب ورا بعض بشهور بعد ما اختي تزوجت والدتي بقت وحيدة حاولت ان اوفق الامر واعيش معها لخدمتها ولكن لما تشأ الظروف ذلك وزوجي اجلها لبعد رمضان انا زوجي بحكم سفرنا بعد الزواج واجازتنا كانت قليلة علاقته باهلي متتعداش السلام وكلمتين لما يشوفو بعض وبعد رجوعنا هو مش بيشتغلوقاعد دايما في الييت لما بينزل بيوديني لامي بقعد هناك ساعتين ساعات اقل وساعات اربع ساعات وفي الفترة الاخيرة اهلي كانو بيشطبو الشقة اللي هينقلو فيها النهارده كنت بروح اساعد امي اعملها اكل اجهز معاها الملابس واحطها في الشنطة كان وقتي اللي ببقي معاها فيه ضيق وانا صحتي علي قدي شوية كنت اروح يوم اه ويوم لا حتي لو بموت من التعب بس طبعا مقدرتش اساعد امي غير قليل اوووي واختي اللي لسة متزوجة مش بتروح غير نادرا من اكتر من شهر مراحتش غير تلات مرات وخلالا الاربع شهور هما خمس او ست مرات واما بتروح مش بتغسل معلقه او طبق حتي برغم ان اخويا قالها ماما تعبانه تعالي ساعديها وهي قالت يا اعمل معاكم الشقة دي او دي ولا عملت اي حاجة الحمل زاد علي امي وانا برده مش بقدر اقعد عندها كتير بسبب زوجي ويقوللي اشمعني انتي ومش هتنزلي غير اما انزل وهو نايم طول اليوم مكنتش بعرف اروح بس كنت غالبا يوميا عندها واقل حاجة ساعة من خمس ايام اختي قالت هتاخدها معاها للدكتورة وكان نفس معاد نزولي بعد ما زوجي نزل قالت هتاجل المعاد معرفتش اروح ووتاني يوم قالت هتاخد ماما ومخدتهاش وراحت مع حماتها ومعرفتش ارؤح تالت يوم وفاة ابن خال امي سافرت ومروحتش رابع يوم روحت ساعة لميت حاجات بسيطة وزوجي وصلهم شنطة هدوم وبظانية للشقة الجديده وقعدت ساعه بس حاولت انزل معاهم حاجات لعربية كانت بتوديلهم حاجات فمقدرتش اعمل حاجة خامس يوم امبارح نمت وصحيت متاخر وعلي ما صحيت لقيت اخت من اخواتي بكندا بتقولي حسبنا الله ونعم الوكيل ربنا ما يحوجها ليكم ويارب بنتي متقهرني زي ما قهرتو مامتي وبهدلتني قلتلها انا عملت ايه قالتلي مامتك من الصبح بتمسح وتنظف وانتو مش سائلين فيها وزعلانه ولولا خوفي من ربنا وخوفي من زعلها كنت قلتلك قالتلي ايه حرام عليكم قلتلها كل ده عشان قصرت كام يوم مش بمزاجي قعدت تحسسني كاني رميت امي علي ما نزلت وفوقت وزوجي تكرم ونزلنا واخيرا كان هيفسحني بعد انتظار طويل وابنه كان عايز يتفسح قلت هروح وتولع الفسحة علي ما نزلت امي كانت خلصت واخويا اللي ساعدها كتر خيره روحت انا وزوجي خدناها من الشقة ووصلناها البيت لاني قلت اكيد تعبانه وعشان توقف تاكسي هتتبهدل هي واخويا وفعلا هدومها كانت مبلولة من مياه التنظيف بس مقدرتش اطلع معاها زوجي رفض قالي لو لقيت الحلاق فاضي هسيبك واحلق غير كده لا وصلناها وروحت اختي بهدلتني وانا طول اليوم ابكي حاسة اني عملت جريمة مش عارفة اتصرف ازاي وقلت مش هنام عشان مش اصحي متاخر واروح اليؤم كله النهارده احاول اعملها كل حاجة واساعدها لاقصي درجة واخلي بس اللي باقي ان الناس ياخدو الاثاث علي الشقة الجديده انا عايزة اعرف انا قصرت في ايه وليه اختي تقولي حسبي الله ونعم الوكيل وتدعي عليا اما اولد تاني اولد طبيعي عشان اتعذب واحس بفضل الام كاني مش ام انا كمان وقولولي اعمل ايه عشان مبقاش مقصرة مع امي مع العلم امي مش بتقولي كده بالعكس بتحاول تخليني ما اعملش حاجة عشان متتعبنيش برغم انها تعبانه بس انا بصمم دلوني علي الصح لاني بجد تعبت من كلام اختي كل يومين تسمعني الكلام ده لو مروحتش يوم واحد بس ورغم انها عارفة اني جاية علي راحة بيتي وزوجي عشان احاول اعيش مع امي وابي واخدمهم قولولي تقصيري في ايه والمفروض اعمل ايه