حبيبتي لست كغيري اسمعي نصايح الاعضاء وحاولي بأي طريقة تجيبي اغراض وتعملي اكل من دون ما يقلك بدي او ما بدي
بالعكس خبريه انو ان كان ما بدك المفروض يكون في اكلة جاهزة بالثلاجة في حال جعنا وما نضطر نطلب جاهز

وفي حال طلب تطلبي كل يوم بيومه اغراض حضري لائحة واطلبي مرة وحدة اغراض تكفي لتلات ايام
وما تفكري كتير بالموضوع بترهقي حالك اكتر ما انتي تعبانة
الموضوع من الاساس كان بينحل بالبيت من دون ما تخرجي منو
لانو لازم يكون في سبب قوي وكبير لتروحي عند اهلك زعلانة
والا بتصير عادة كل ما صار اي خلاف صغير يا هو بيقلك روحي عند اهلك او من نفسك بتصيري تروحي

حلو كتير الانسان يفكر ببكرا وبمستقبله بس يمسك العصا من النصف
يعني البيت اذا ما خلص بناؤه بسنة وسنتين مش مشكلة خليه باربع وخمس سنين
لانو البيت ما رح يشتريلك صحتك ولا رح يرجع الايام اللي راحت من شبابك من دون ما تستمتعي متلك متل اي انثى
وبعمرها الكشخة ما كانت بالاشياء الغالية
بل التنسيق وابراز الانوثة بالدلال والنعومة والفرفشة والاهتمام بالمظهر هيي الكشحة بذاتها
اهتمي بنفسك لاجلك لانو الانثى بس تغير بحالها او تهتم بنفسها بتنعكس على نفسيتها للاحسن
وتأخر الدورة بتعمل انحطاط وتعب بالجسم غير عن النفسية
طيب حبيبتي ليش هالاهمال وبدك تنطري للشهر الجاي لوقت الدورة الثانية
ليش ما بتروحي لعند الدكتورة وبتشوفي سبب التأخر لانو احتمال يكون سبب كسلك وتعبك
صحتك ثم صحتك ثم صحتك
والباقي كلو بيجي اذا الصحة موجودة
ربي يسعدك دنيا وآخرة
دعواتي ترافقك
__________________

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه