المشاركة الأصلية كتبت بواسطة كنافة بالجبن

محب السنة والله ما اكابر
تأكد جربت كل شي معه ما فاد


وزي ماقلت لكم تعبت الفجر
ترى كنت اكتب ردودي وانا ابكي مقهوره
وقبل شوي ارسلت لزوجي:
اعذرني تعبانه اليوم ما اقدر اطبخ، لوسمحت هات لنا غداء

لقيته اتصل يسأل ايش فيني
قلت له عالتعب اللي جاني وانا ابكي
قال طيب ايش يهديك؟
واذا تبغي ننسى كل شي خلاص
قلت كذا مره تقول كذا وترجع تذكرني
وضمن كلامه سألني:
انتي حابه يعني تروحي لاهلك عشان رمضان جا؟
قصده حتى ارتاح من كرف رمضان!!
رغم اني ماجبت طاري اهلي!!
قلت بهدوء لا والله
قال خلاص اهدئي واحمدي ربك انك بخير وعيالك بصحه
وقال بيجيب الغداء وهو جاي


مدري اخاف جالس يسايرني عشان بطنه
كأنه شك اني افكر ما اهتم بالفطور والسحور
لاني قلت له مو طايقه نفسي كارهه المطبخ
حسيت هالجمله خوفته
خاف اهمله برمضان
وقال اضحك عليها بكلمتين وغداء
عشان برمضان اكرف كرف الحمير
وبالعيد يرميني عند اهلي ويروح يفلها مع اصحابه
ويصير اخذ كل شي مني بدون مايقدم لي اي شي