السلام عليكم ورحمة الله

قصتي مع ولد عمي من زمان من أيام الطفولة
انسان كان يحبني من وأنا صغيرة مايحب يلعب مع الأولاد اللي مثله .. يجي من بيتهم اللي بعيد في قرية ثانيه عشان يلعب معاي .. كنا نلعب مع بعض لغاية ماصار عمره 12 سنه بعدها حصلت مشاكل عائليه وتقاطعوا الأهل ولا عد صار يجي عندي البيت ..
مع العلم ان اخوه الكبير اللي يكبره ب 20 سنه متزوج اختي بس كانوا عايشين في مدينه بعيد عنا وعن المشاكل اللي كانت بين الاهل

مرت السنوات وصار عمره 18 سنه وأخذوه ابوه وأمه وخطبوا له بحجة ان ابوه مريض ويبغى يفرح فيه قبل مايموت لأنه صار وحيده في البيت
بنى له بيت واشترى له سياره وزوجه وعمره 18 سنه بعدها توفى ابوه بعد سنه من زواجه ومرت السنوات ودرس جامعه وتخرج وصار معلم وتميز في حياته وصار انسان ناجح في امور كثيره ماشاءالله والحين معاه اربعه عيال ماشاءالله
وعايش

انا انخطبت من عمري 21 سنه وتزوجت وانا عمري 25 وعشت حياتي ولكني كنت في نكد .. يوم كان حلو وأيام كانت مره .. تعذبت مع طليقي وذقت أنواع القهر منه رغم طيبة أهله الله يحفظهم ..
انفصلنا وارتحت الحمدلله .. واكملت دراستي للماجستير وتخرجت بامتياز وانا اعمل حالياً في جامعه وسوف يتم ابتعاثي للدكتوراة ان شاءالله .. حققت نجاحات بعد انفصالي منه وأحمد الله على ذلك

بعد انفصالي بفترة تقدموا لي ناس كثير
شباب لم يسبق لهم الزواج .. انا كنت تعبانه نفسياً وارفض لأني مو مستعده أبدأ حياة جديدة
وللأسف ظهر ولد عمي في اللحظه الأخيرة وتشجع وصدمنا وصدم الكل برغبته فيني من زمان وانه كان يشوفني مع زوجي السابق في الاسواق او اي مشوار طالعه فيه وكانت نفسيته تتعب لأن انغصب على الزواج في سن صغيرة لكنه مانسي رغبته من زمان .. فتح قلبه لعيال اختي اللي هم عيال اخوه لأنهم صاروا شباب وقال انهم بيفهمونه ويساعدونه في توصيل رغبته في الزواج مني من زمان

جوا كلموني وانصدمت صراحة وأبديت رفضي لأنه متزوج ولا بخرب حياته وحياة زوجته المسكينه
رفضت وقلت لا أحد يكلمني في الموضوع ذا
راحوا وبلغوه بكلامي وهدأت الأمور أيام

بعدين تفاجأت برساله طويله على جوالي كاتب فيها يابنت عمي أنا فلان وأتمنى تقري رسالتي حرف حرف وتحسي فيني
رساله طويله جداً كاتب فيها المعاناة من زمان وكيف الاهل فرقوا بيننا وكيف تزوج بدون رغبه وانه دامني عايشه ماراح ينساني وبظل خياره الاول في الزواج
كتب أمور كثيره تخص زواجي السابق وانه كان يشوفني مع طليقي وقلبه يتقطع .. لكن كان يدعي لي بالتوفيق ع قوله
ترجاني أوافق عليه عشان يعيش حياة الحب اللي هو متمنيها من زمان .. صدمني بكلامه والله العظيم

للاسف انا ما توفقت في حياتي دام كانت نفسه كذا وانا مدري .. صحيح ولد عمي وكان في احترام ومعزه لكني انصدمت ولا كنت متوقعه انه يحب وساكت هالسنوات كلها بسبب الأهل ..

انا طنشت رسايله لأني مصدومه ولما شافني طنشت جاء عند أمي وأخويه الكبير وحكى لهم كل شي في قلبه وطلب منهم يقنعوني بالزواج وأي شرط هو موافق عليه

بعد محاولات عديدة وافقت وتم تحديد الزواج قريباً
وطول هذه الفترة ولد عمي يراسلني بخصوص ترتيبات الزواج .. وكام يطمني انه مو مقصر مع زوجته وانه معيشها ملكه عشان ترتاح نفسيتي من ناحيتها .. لأنه عرف اني زعلانه عشان زوجته ماابغاه يظلمها

لكني اتعرض حالياً لمضايقات من بعض الأقارب وأني ظالمه وداخله على بنت الناس وخاطفه زوجها

والله العظيم حتى لما يرسل لي ولد عمي بخصوص ترتيبات الزواج اتعب نفسياً وغصب أرد عليه
وأمس حذفت الواتس وشوفوا ايش صار معاه ؟؟

لما ما شاف رقمي في الواتس .. جلس يتصل يتصل لغاية مارديت .. والله العظيم انصدمت من الرجال لما بكى وقال دخليك لا تحسسيني في لحظه اني بفقدتك .. ليش تحذفي الواتس وارحمي قلبي
واعطى الجوال أمه وخلاها تكلمني وتقول لي انه يحبني ويموت فيني وما يبغاني أخذله واتراجع في أمر الزواج ..


هذي قصتي يا جماعه وأتمنى تنصحوني ووش اعمل ؟؟
هل استمر في الزواج أم اتراجع بسبب مضايقات الأهل ؟؟

تم تعديل العنوان ليتناسب مع المضمون


مستجدات الرد 34


http://66n.com/forums/showpost.php?p...8&postcount=34


مستجدات الرد38

http://66n.com/forums/showpost.php?p...7&postcount=38