كنت عم اتصفح الفيس بوك عندي وبشوف بعض الصور حاطينها اشخاص بعرفهن بالاستراحات
وقت تطلعي عالصورة بتحسي بأجواء ترفيهة ليلية وتعديل للمزاج واختفت الاجواء الروحانية في هالشهر الكريم
ما بعرف وين الغلط هل مفاهيم البعض اتغيرت ؟
او على مين بدنا نرمي اللوم
هل على بعض الناس اللي اتناست( لانو مستحيل تنسى ) شو يعني شهر رمضان وما عادت تستشعر فيه
او على اصحاب الاستراحات اللي بيذلوا اقصى جهدهم لجذب الناس وليرضوا اذواق الساهرين ويخلوهن يكرروا السهرة طول الشهر لتعتبر عادة وقاعدة ثابتة

حلو الانسان يعيش حياته بس بنفس الوقت يعرف كيف يستثمر بعض من وقته وما المطلوب كل وقته ليجمع شي لآخرته



الله يهدينا ويهدي الجميع
وتقبل الله اعمالنا واعمالكم


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه