مساء النور .. دخلت هنا بفضفض شويا😢😢😢


دكرت في موضوع قبل اني استخدمت المنشطات حبوب شهر 5 و6 لكن ماكان فيه نيه حمل .. شهر 7 تابعت التبويض مع الدكتوره وزودت جرعه المنشطات مع الحبوب 5 ابر ... والله تعبت مرا شهر 7.. اختبارات كنت قبل مااروح الاختبار اخد الابره المنشطه والابره التفجيريه لحالها معاناااه ... اختبر وابكي من المها احس جنبي بينفجر 😞

الله يهديه زوجي حاولت نأجل لبعد مااخلص اختباراتي مارضي 😢

طبعا الدكتوره قالت لزوجي بأذن الله حيصير حمل .. عندها 3 بويضات وحجمها كويس .. ماتتخيلو قد ايه تحمس زوجي وفرح وخلاص حط ببالو اني حامل 💔

سافرت بعد الابره التفجيريه ب5 ايام ممكن والي جربها يعرف كيف هيا تتعب واعراضها كأنك حامل فعلا مغص والم بالصدر وغثيان وحاله الحمدلله ... انا رايحه اسافر انبسط مو اداري نفسي 😭

وطول السفره وزوجي يداريني اي شي نفسي فيه يشتريه ويشيل الشنطه عني ومايخليني امشي كثير 😂

ويوم 12 من الابره التفجيريه انصدم من زوجي يطلع لي تحليل حمل .. مخبي بالشنطه 3 تحليلات للحمل 💔

طبعا عملت التحليل ومافيش حمل .. ماانسى ملامح زوجي وهوا يقول امااا كيف كدا .. انا بصراحه ماتمنيت يسير حمل بنبسط بسفرتي.. وقلت لزوجي احسن عشان العب دراجه واركب حصان براحتي 😍 .. عصب وقال ماتفكرين غير بنفسك .. طيب ايش اسوي مو بيدي😢

وفوق هدا متأمل برضوا وقال اتوقع الحمل مايبان بدري حتعيدي التحليل يوم 15 .. ويوم 14 نزلت الدوره الحمدلله✋

والله تعبت نفسيا من رده فعل زوحي.. قلت له دا اول شهر نحاول الحمل فيه وطبيعي مايسير من اول شهر .. وكان شايل هم كيف تعدي دورتي من غير مااستخدم منشطات .. وطبعا برا مستحيل يعطوكي كلوميد من غير وصفه من الدكتور... ومن بكرا اشترا عسل اصلي وغذاء ملكات وحبوب اللقاح .. وكل يوم غصبن عني اخذ ملعقه عالريق وقبل انام ولا بتسير حرب بيني وبينو... وذبحني بالاناناس 😭

كرهت الحمل وسيره الحمل من زوجي اول مره اشوف زوج يهتم بالحمل زيه .. لدرجه ادخل اشوف المتصفح كلها مواضيع عن الحمل .. يقولي شوفي كيف الحريم يهتمو ويبغو مو زيك .. طيب ايش اسوي الي عليا سويته 😭

وانا فعلا مو مستعجله عالحمل لدرجه الي يخليني استخدم منشطات وابر وحاله ... والله متابعه التبويض انصدمت منو ماتوقعت كدا .. كل يومين كشف يطلع الروح عشان تشوف مقاس البويضه والابر لحالها عذاب 💔

تعبت فعلا وانا ماليا غير شهر بس

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك