رد: ضرب زوجي لاخي بسبب تطاوله علي وزعل ابي من
اقتباس:
المشاركة الأصلية كتبت بواسطة فليكا
شلونك مهرة
الشهر عليك مبارك و هذى لك 
جارتكم هذى عرفتك عن تصرفك ؟!! اتوقع لو عرفت ماضيفتكم 
مالنا حق بتربية عيال الناس يامهرة و تحطيم نفسياتهم وخاصة الاطفال
ونسوى اننا بنعدل سلوكهم و نربيهم لاهلهم لان ماعجبنا تربية اهلهم لهم. ..
بالله عليك يامهرة ترضين يجى واحد شحط و رجال كبير يضرب سلطان وهو صغير بالمتوسط
ضرب مبرح و فيه اهانه له كطفل و كذكر ... يشوته و يكسر اسنانه و يغيبه عن وعيه بحجة يربيه !!!
لا تقولين ايه لان هذى اهانه لك و لابوه و سب فيك قبل اهانة لابنك ...
عمرها ماكانت تربية هذى ...
كنت بعزمك بس خلاص هونت خفت منك  |
هلا فليكا 
تراج توحشيني يا بنت. 
والله للأمانة ما أعرف إذا الولد قال لأمه أو لا .. بس أعتقد غالباً إن الأطفال فتّانين وشكّايين .. خاصة الدلوعين 
.. يعني غالباً بيكون اشتكى لها عليّ.
لكن حصل موقف آخر .. كنا في عرس .. والطاولة اللي حذالنا جالسين فيها ثلاث أولاد مع خداماتهم .. والأولاد قمة في الشطانة وطول اللسان .. وأمهاتهم جالسات على طاولة أخرى ولا وحدة فيهن كلفت على نفسها تقول شي للأولاد.
إلى أن قام واحد منهم يشتم الخدامة ويمد يده عليها .. فنازعته وقلت له يقعد مكانه على كرسيه بأدب .... والأمهات يسمعن.
وولد أخت زوجي لما يطوّل لسانه أو يمد يده على خدامتهم أنازعه .. ومرة عمل شي غلط وبنتي كانت معاه وحطيتهم اثنينهم تايم آوت .. وعلّمت أمه.
وعلى فكرة ولد أخت زوجي لا يزال طويل لسان واليد والكل يلاحظ هالشي ويعلّق عليه .. لكنه لما يكون عندي في البيت يقعد بأدبه ووالله إني ما أسمع منه كلمة غلط.
أنا ما أربي عيال حد يا فليكا .. وأكيد هذي مب مسؤوليتي .. لكن مثل ما قلت لما قلة الأدب تتجاوز حدها ما ينفع أسكت وأقول ما لي شغل.
وبصراحة صعب أحط نفسي وأحط سلطان في نفس الموقف .. لأن سلطان لسانه مب طويل ولا يتطاول على الناس يا فليكا .. ولما يحصل منه موقف أشوف فيه تمادي أو شبهة إساءة أدب فأنا اللي أوقف له وأنازعه وأعلمه إن تصرفه غلط ومب مقبول .. وممكن أعاقبه لو شفت منه تجاوز كبير.
في المقابل حطي إنتي نفسج في ذات الموقف .. وتخيلي إن ولد يي يسبج ويهزئج .. وإنتي عارفة إن أمه وأبوه مالهم سلطة ولا كلمة عليه ولا يقولون له شي ولا يعلمونه الصح من الغلط .... بتسكتين وتقولين ما لي شغل ومب مسؤوليتي أربيه؟!!
يختي عساه ما يتربّى .. لكن مب من حقه يقل أدبه على الناس .. والحجة: صغير وما يفهم!!
صح يمكن زوج الأخت كان عنيف زيادة عن اللزوم .. لكن موقفه من ناحية المبدأ مب غلط .. خاصةً إنه حذره سابقاً .. ومب معقول كل الناس تتحمل قلة أدب الولد لأن أهله مدلعينه وما يقدرون يقولون له شي.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 16-06-2016 الساعة 03:16 PM