أولاً ألف مبروك
ثانياً لاتستعجلين الطبيعي إن مدة التحليل تكون من عشر أيام لأسبوعين
ثالثاً أنا ماأعرف قصتك لكن طالما إنك بترتبطين بمعدد وكان زوجك سابقاً خليك بزوجك وبيته الآخر إنسيه
أولاده حبيهم وحاولي تكسبينهم هم بالنهاية جزء مايتجزأ منه
وزوجته لها حق فيه زي ماإنتي لك حق فيه وطبيعي بيكون بينهم مودة إذا مو حب
وتذكري قلوب الرجال كبيرة يعني بيحبك ويحب غيرك مافي شي إسمه يايحبني أنا ياهي
وعيشي حياتك بشكل طبيعي وخليه جزء منها مو كلها
لاتركزين عليه كثير عشان مايطفش لاتحاصرينه بالأسئلة أو تحسسينه إن حياتك واقفه بس تنتظرينه يجيك عشان تعيشين
وإياك ثم إياك بيوم تسألينه مين تحب أكثر أنا أو هي وتأكدي إن أولاده بيكونون أغلى منك ومن زوجته يعني هم أبداً مو في وضع منافسة معك
ماأتوقع رجع لك بعد هالسنين وهو متزوج وأبو عيال إلا لمكانتك عنده يعني الحب موجود بس بطريقتك تحافظين عليه
أما تفكرين تملكينه هنا أنا أعتبرها بداية النهاية