ان شاء الله يكنافة
أثنينكم فرغتوا بما فيه الكفاية
ورجاء لاتنتظرين شيء كبير منه..


كنافة ياعزيزتي
كلام من فترة بخاطري اقولك
بس ماكانت ظروفك ولاحالتك النفسية تسمح
تتذكرين لما عضو كتب كيف زوجته الثانية متحملة اولاده
ورديتي انه مو كل الرجال يراعون هالناحية
طبعا هي كانت تتميز بجانب وانتي ركزتي على اخر
زوجته ماشاء الله ربي يزيدهم من فضله روحها حلوة وفرفوشة..
وانتي ركزتي على جانب انها حاشمة البيت وزوجها واولاده..

انتي مثااالية لدرجة تبغين كل شيء بالمسطرة
وتنتظرين ردة فعل بطول وعرض محدد
خليك اكثر مرونة وابتسمي للحياة وتغاااضي مع نسيان
والله ماارتحت الا يوم بديت اتعامل مع الله
زوجي مثل زوجك نوعا ما نكدي
وتعببببت وانا احاول اعدل احاول استحمل و...
بالاخير صرت اطنش بعض مطالبه الزائدة واهتم بصحتي وراحتي صدقيني مع الوقت هو مل من بعض اشكال النكد لانه مافيه ردة فعل..هي انا اضحك واسولف وهو قبل شوي مسوي سالفة على غبار فوق الدولاب والا كم كاس ع المجلى بس تعوودت وريحت راسي
ولو حسيت اني بنفجر احاول اتحاشاه ولو هداني ربي استغفرت والا قرأت قران بس افرغ بأي شيء بعيد عنه وعن اطفالي واطلب منه يغير جو ويطلع لحد مايتعدل مزاجه طبعا بكل اريحيه وابتسامة..

كنافة اعيييييد ياقمر
ركزي على مفتااااح زوجك لاتضيعين جهدك بدور ربة المنزل
ولو علق على تقصيرك خوذي الموضوع ببساطة وقولي اليوم تعبانة والا شيء مع الوقت صدقيني هو بيعذرك بس اذا شاف نتيجة من الجهة اللي يحبها...

ورجاء..
لاتخلينه يكره الاعتذار
ترا بجد اعتذر اعتذارات واااضحة تعوذي بالله من الشيطان ورجعي لبيتك الأنس وسعة الصدر..
ربي يهدي سركم..