في كلامه نسبة عالية من الصحة

موقفه لما قام مزعوج من الصياح طبيعي واعتقد موجود بأغلب البيوت
يااختي اذا ماارتاح ببيته وعبر عن مشاعره وين يرتاح
ولووو فرضنا انه يتضايق منكم بالله ليش قالك تعالي!!
علشان تطبخين هذاه يعرف يطبخ واحيانا يعرض عليك الطبخ من برا وغيره..
لكن فقدكم وفقد جوكم..


انا معك زوجك نكدي من خلال مواضيعك
بس كثير مواقف تذكرينها تتصعد من تدقيقك ومثاليتك وبيني وبينك عدم اقتناعك الكامل فيه كزوج

الصلاة انا معك
صعبة جدا نشوف ازواجنا مقصرين بهالناحة
بس هل نفع النصح المباشر قبل؟!
هل يترك الصلاة نهاااائيا؟!!
هل جربتي الدعاااااء والالحاح على الله؟!!
هل جربتي تدخلين احد ثاني ياخذ منه..انا اتذكر مرة دخلت امه وبدون مايدري بطريقتها اخذت منه الاعتراف وكلمته..


شيء ثاني ياقلبي
قلنا اتركي دور ربة المنزل
المفروض اذا جيتوا بتطلعون تشترون من برا والله اكثر الاحيان يطلع ارخص من المقادير نفسها
مهما كانت سناعتك ومهما كان حبك للشغل الا يتأثر مزاجك من تعدد المسؤوليات
زوجك يبي وحدة مثل شغالة امه بشوشة دلوعة تهتم بنفسها..

زوجك على نكديته لكن الأكيد به مفاتيح

والله واحد من عمومتي هييييبة اذا جلس كأن على رؤوسنا الطير يجلسون عياله وبناته صاااامتين لحد مايقوم من المجلس.. زوجته شااايلة بيته وعياله واهله على راسها
تزوج ثانية تغيييير صار يضحك يسولف قدامنا يسوي حركات هو وزوجته..
الفرق ان وحدة زوجة تقليدية
والثانية اشتغلت ع الاشياء اللي لايمكن يحصلها الا عند زوجته وانتي عااارفة زوجك مثل طبع عمي بالضبط


اعرف ان زوجك نكدي وانا مجربة الحياة مع النكدي واعرف صعوبتها
لو انتي قبل الزواج قلنا يمديك لاتقبلين
بس الحين بينكم اطفال
والله العيال مالهم عز الا ببيت أبوهم مهما كان الأب لاتغرك الاحلام
والله وقت خيانة زوجي جلست فترة عند اهلي وجربت مع ان اهلي منتهى الرقي واللين
بس مهما كااان تحصلينهم منكسرين حاجاتهم ممكن ماتتاح فيه كبار بالبيت مايتحملون الازعاج
لاتقيسين على زياراتك لاهلك والا جلسة اسبوع والا شهر
الانفصال غييير

لو كان خائن والا معنف جسديا والا مخدرات وقتها خطر على اطفالك
زةجك اخف بكثيييير

بس كثري استغفار وتعلمي التعايش والتغاضي علشان تحافظين على صحتك وهدوؤك

اقولك وانا احتاج هالكلام بين الوقت والثاني وربي يهديهم ويكون بالعون