اقتباس:
المشاركة الأصلية كتبت بواسطة عبدالعزيز 951
عندي اظافة بعد قراءة موضوعك السابق وجميع ردودك ،، لاحظت بعض الامور ،، اولآ انك مهتمة كثير بزوجك وبتفاصيلة رغم انك قلتي انك مشغولة بنفسك ودراستك وعملك ،، فيبدوا لي ان زوجك لازال محور حياتك ،، ولا الومك يمكن لانك بعيده عن اهلك واصدقائك ،، ثاني شي ،، اغلب مشكلتك مادية ،، وانا ارى الحق معه كونك موظفة يجب ان تتكفلي بنفسك ولا تنتظري منه يصرف على اشياء تعتبر كماليات ،، فالحياة مشاركة اذا كانت الزوجة موظفة ،،
بخصوص عزيمة اهلك ،، انا استغرب منك انك خليتيها مشكلة كبيررررة ،، واستغرب اكثر ان الاهل يحتاجون عزيمة لزيارة بنتهم وولدهم !!! ليش اهلك ما يحددون وقت معين ويجون وتنتهي السالفة ،، ولا احبذ منك انك تكلفين على زوجك عشان زيارة اهلك ،، والمفروض انتي تتكفلين فيها اذا كانت خارج البيت ،،،
حتى لو بيتكم ضيق ،، الضيق بالنفوس ياختي ،،
نقطة اخيرة ،، بخصوص حفل الزواج وكونه عائلي ,, حتى هذي تلومينة فيها ،، هو لم يجبرك بذلك وانت وافقتي بمحض ارادتك ،، وانا اعرف الكثيرين تزوجوا بشكل عائلي خصوصا الفترة الاخيرة مع ارتفاع التكاليف ولا يعيبهم هالشي ،، ولا يقلل من المرأة ،،
اخيرآ ،، مشاكلم والحمدلله صغيرة وبسيطة ،، وتعتبر من المنغصات الموجوده بحياة جميع المتزوجين ولا تستحق كل هذا الحيرة والتفكير ،، وزروج رجل طيب وعيوبة بسيطة ،، بل ارى انه لم يخطىء بشي وارى الوم عليك اكثر ,, وزوجك كان صريح في بداية الامر وواضح ،
|
جزئية التدقيق و إنه محور حياتي رديت عليها سابقا
العزيمة يا أخي لأن برضو نفس الشيء كان لأهله ..هذا مجتمعنا ..وحتى تفهم شعوري تخيل لو أن زوجي لما قرر يعزم أهله رحت أقوله (يووه والله تعب ) ( الله يعين على التنظيف ) ( ياإني بنكرف كرف وأتعب في الطبخ والتجهير)
سؤالي : هل مثل هالجمل يتقبل يسمعها الزوج من زوجته في حق أهله ؟
أما إني أتكفل بعزيمة أهلي فهذا كلام غريب ! أنا ماطلبت منه يتكفل بهدية لأهلي أو دعم لزواج أحد أو شيء من هالقبيل ؟ أهلي أول مرة يجون عنده ! ولعلمك أهله مهتمين بالعزيمة وحريصين لأنهم شايفين اهتمام أهلي بهم سابقا ..وعدد المرات السابقة 6 مرات من التعارف إلى الزواج ( هذا مو منة يا أخي هذا توضيح لك بس )
أنا كزوجة أحب إني أشعر أن زوجي مهتم بأهلي ...خصوصا في أول لقاء في بيتي ؟؟!
ما أعتقد الأشياء اللي توقعتها منه كماليات ..هذة حقوق وواجبات
وبالنسبة لحفل الزواج ..أنا شعرت إنه ما استشعر المسؤولية كون كل شيء جاه بالساهل ! هذا المقصد ! والوحدة لما تتنازل عن حفل الزواج تتوقع إن الزوج يصرف هالمبلغ على أشياء في مصلحتهم (سفر مثلا ) مو تكتشف إنه فهم الموضوع تنازل أو إنها ماتشوف نفسها تستاهل ؟؟
أنا أعتقد إنه يحاول يعودني على نمط معين ..يعودني أدفع وأشارك ماديا ..بس أصلا ما أشوف إني وصلت لهالعمق في العلاقة معاه حتى يتجاوز هالشيء !
في أشياء كثيرة أطلبها منه ..ولا تحققت ..فمو حابة فوق على إن هالطلبات ما تحققت إني أشارك ماديا لأني الصراحة
أحس هالمشاركة رح تخرب شخصية زوجي و تعرقل من نضجه !! أنا ودي يكون مسؤول !! ويعرف يتعامل مع الفلوس ! لأن هذا أبو أولادي بإذن الله ..لكني مو حاسة بالأمان من هالنقطة لما أشوف كيف يتعامل مع الفلوس ..
شاكرة لك تكرم بالإجابة
وإذا في ملاحظة أتقبلها بصدر رحب
