رد: الى كل مُطلق بعد زواج دام سنوات كثيره
لاطلق ابدا وتزوج وخلها على عيالها
انا بنقل لك تجربة من محيطي العائلي وعايشة جميع فصولها
وهالتجربة لولد عمي طبعا
ماعتبرة ولد عم اعتبرة شقيق لي واكثر
حاصل على الماجستير بالعلوم السياسية
ويعمل مستشار في وزاة الخارجية
انسان ملتزم مستقيم ولا ازكية على الله
بار في والدينة ..تزوج وبعد الزواج
واجهتة مشكلة مع زوجتة انها
ماتشتغل بالبيت لاتطبخ ولاتنظف
ولاتعتني بشي اهم ماعندها زيارة
اهلها حاول معها تشتغل يوم يومين
وترجع على وضعها صار اكلة من المطعم
وثيابة عند الغسال هجرها تكلم معها
ومع اهلها وكلة وعود ولكن مافية نتائج
كان يصبر نفسة جاب منها ولد في اول سنة قال يمكن تعدل بعد الوالد وصبر
سنتين ولكن الوضع ماتغير وفي يوم
من الايام اتصل عليها قالها رتبي المجلس
وسوي شاي وقهوة بجي ومعي ضيوف
يقول دخلت وحصلة المجلس مكركب
وماصلحة شاي وقهوة يقول خلية
ضيوف عند الباب ورتبت المجلس
ودخلت ضيوف قلت صلحي شاي
وقهوة وتقوم بكل برود
يقول بعد ماطلعو الضيوف
تكلمة عليها وقلت انا مكلمك
واخرتها جالسة على جوالك ونا صبرات
على هالوضع سنتين ماهي عيشة
هذي قامت تبكي وقالت ودني لهلي
يقول بعد ثلاث ايام دقيت عليها باخذها
مقفلة جوالها و بعد يومين ارسلت رسالة
تقول تفاهم مع ابوي يقول بعد ثلاث ايام
قلطت عند ابوها وقالها ليش تنزل بنتي
ودمعتها على خدها يقول شرحة لة
الوضع لكن الابو بصف مع البنت طلع من
عندة وبعد سبوعين راح ابوي وعمي
وخوي القاضي وقال بنتي ماترجع
الا برضاوة 15 الف وشغالة او يجيب
ورقة طلاقها..اشرحو لة ان زوجها
كلمك ثلاث مرات وكلم امها ولافية
تحسن لاضربها ولا قصر معها بشي
قال انا عارف بس ما ارضي دمعة بنتي
تنزل ونا حي كان مصر على طلباتة والبنت
مقفلة جوالها يوم علمو ولد عمي بطلباتة
راح لة ولد عم بس يتاكد من هالكلام
وصار الكلام صحيح15 الف وشغالة
قالة ياعم مافي البيت الاانا وزوجتي
ووليدي الصغير ويوم تبكي كنت اكلمها
لانها مقصرة بالبيت وانت تدري
وتقعد عند اهلها ثلاث شهور يبونة
ينفذ الطلبات بعدين صارو يضغطون
علية بولدة ما يخلونة يشوفة
برغم انة كل شهر يحول لة1000 ريال
على احساب ابوها قام ولد عمي واخذ
ثنين من كبار الجماعة كواسطة
يشوف ولد وكشهود في حالة انة
رفض دخلو عندة و رفض يخلية يشوف
ولدة قدام كبار الجماع وقال اولا ينفذ
الشروط او يطلق البنت قالولة هو
مجرد هاوشها لتقصيرة في بيتها
قال مارضي على بنتي تدخل على
ودمعتها على خدها قالولة بطريقتك
بدمر بيت بنتك وطلعو من عندة
يتبع
__________________
سبحان الله وبحمده سبحان الله العظيم